‘Fluturoi pa zbardhur dita’, ndahet nga jeta gazetari i njohur shqiptar

‘Fluturoi pa zbardhur dita’, ndahet nga jeta gazetari i njohur shqiptar

Gazetari i ndjerë Thimi Nika

Mëngjesin e sotëm ka ndërruar jetë gazetari i mirënjohur shqiptar. Bëhet fjalë për Thimi Nikan, i cili njihet si një redaktor dhe historian shumë i shquar. Lajmin e hidhur e bëri me dije miku dhe kolegu i tij Agim Xhafka. Me anë të një statusi në rrjetet sociale, Xhafka shkruan se Nika është shuar pa zbardhur dita.

JAVA NIS KEQ...

Qysh në mëngjes lexova që na la Thimi Nika. Fluturoi pa zbardhur dita që të mos na trazonte ëndërrat. Bëri atë që dinte më mi rë;askush të mos ia mësonte hallet e tij.
U mbështeta te tavolina dhe i thashë gruas:
-Thimi na la.
Mbesa,sa pa hidhërimin tonë,pyeti:
-Çfarë profesioni kishte?
-Punonte shok,ashtu tërë jetën.-i thashë.
Dhe qëllova në shenjë. Ai qe gazetar,shef,drejtor,filatelist,historian,redaktor klasi,botues... Ama së pari ishte shoku i të gjithëve. Të dëgjonte pa fund,të këshillonte,të mësonte dhe veç qeshte. Sikur nxirrte zemrën mbi tavolinë.
Për dy orë gënjeja veten se lajmi do ishte fake. Por me sa duket duhet të mësohemi pa Thimin. Në se do më duhet këshilla e tij do dal në breg të Jonit e do nis drejt reve a zogjve hallin tim. Dhe Thimi do ma sjellë përgjigjen. Si? E di ai. Se atje mbi ne atij nuk i rrihet pa ne. Do e ngrejë një antenë e do flasim e shihemi. Me sms,me skype? Të presim siç prisnim mendimin e tij aq të çmuar.
Lamtumirë shok e mik. Mos na harro,ore!
”- përfundon statusin e tij Agim Xhafka.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbër: 08/10/2018 13:20

    Ngushllime të gjithë shqiptarëve!!!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet