Fundjava që lamë pas nuk ka rezultuar pozitive për futbollistët e kombëtares shqiptare që luajnë në Europë. Përjashtim bën vetëm mesfushori Myrto Uzuni, i cili në Kroaci, ka shënuar golin e dytë në kampionat me ekipin e Lokomotivës së Zagrebit. Ish-futbollisti i Laçit, në sfidën kundër Hajdukut, dyfishoi shifrat në pjesën e dytë dhe njëkohësisht vulosi rezultatin.
Reparti më i dobët ka qenë sulmi. Sokol Cikalleshi qëndroi në stol në fitoren 2-0 që ekipi i tij Goztepe mori kundër Besiktas. E njëjta situatë edhe për Balajn, që nuk u aktivizua asnjë minutë në fitoren 1-0 të Akhmat Groznit kundër Krasnodar.
Pak më ndryshe Manaj dhe Sidrit Guri. I pari zbriti në fushë si titullar me Albacete-n, por në minutën e 28-t u largua nga loja për shkak të një zgjedhje taktike, pasi ekipi I tij u ndëshkua me karton të kuq. Ndërkohë Guri gjithashtu aktivizua si titullar, por Ostende e preferoi vetëm për 45 minutat e parë në humbjen e thellë të pësuar kundër Gentit.
E ngjashme situata edhe në Itali, ku u aktivizuan vetëm Hysaj dhe Strakosha. Berisha dhe Gjimshiti ndërkohë, vijojnë të qëndrojnë në stol te Atalanta. Edhe Veseli nuk zbriti për asnjë minutë në fushë për Empolin. Qendërmbrojtësi ishte I dëmtuar dhe nuk është grumbulluar fare me ekipin.
Lajme të tjera
-
Lokomotiva ‘Tkt48-02’, historia e arkeologjisë hekurudhore që mbron dhe përkujton ish-stacionin e trenit të Tiranës dhe jetën shqiptare në shina treni
14 Tetor 2023, 21:50
-
'Esencë'/ Cili është fati i lokomotivave të ndryshme që shërbyen në Shqipëri
14 Tetor 2023, 20:21 -
Dinamo pranë sulmuesit që ka luajtur me Kombëtaren
5 Gusht 2023, 10:39 -
Zyrtare/ Kallaku largohet nga Teuta dhe firmos për 4 vite me Lokomotivën e Zagrebit
5 Gusht 2020, 20:00 -
Lokomotiva e ekspozuar tek ish-Stacioni i trenit, Stamati: Shqipëria ka humbur shumë nga parku i transportit hekurudhor
12 Maj 2020, 21:27
