Botërori 2018/ Mallkimi i Grupit F, kampionia në fuqi, Gjermania eliminohet nga Kupa e Botës

Botërori 2018/ Mallkimi i Grupit F, kampionia në fuqi, Gjermania eliminohet nga Kupa e Botës

Çaste nga ndeshja Gjermani-Koreja e Jugut

Tronditet Gjermania, kampione në fuqi e Botës. "Panzerat" e Joakim Low e shohin veten jashtë Botërorit të Rusisë që në fazën e grupeve, pas humbjes 0:2 ndaj Koresë së Jugut.  

Koreanët kanë shënuar dy gola në minutat e fundit duke mposhtur dhe çuar në shtëpi gjermanët. Goli i parë u shënua nga  Young-Gwon Kim në minutën e 90. Ndërsa goli i dytë për koreano-jugorët u shënua nga Heung-Min Son në minutën e gjashtë shtesë, kur Neuer kishte braktisur portën e gjermanëve dhe i ishte bashkuar sulmit për të gjetur golin e barazimit.

Gjermania kapitullon 0:2 dhe e sheh veten jashtë Botërorit që në fazën e grupeve për herë të parë në histori. Ndërsa janë Suedia dhe Meksika ekipet të cilat kalojnë në 1/8-at. 

(Koreja e Jugut 2-0 Gjermani)

Suedi-Meksikë 3:0
Ndërkohë në Grupin F janë kualifikuar Suedia dhe Meksika. Suedezët triumfuan 3:0 ndaj amerikano-qendrorëve. Suedia kaloi në avantazh ndaj Meksikës në minutën e 50 me anë të Ludwig Augustinsson. 

Granqvist ka shënuar golin e dytë ndaj Meksikës në minutën e 62. Ndërsa thelloi rezultatin ndaj Meksikës në minutën e 74 me anë të Edson Omar Alvarez Velazquez i cili ka shkaktuar një autogol.

Meksikë 0-2 Suedi

Formacionet zyrtare:

Koreja e Jugut: Woo Choo, Lee Yong, Yun, Hong, YG Kim, Jang, Jung, Koo, Lee Jae-Sung, Moon, Son.

Gjermania: Neuer, Kimmich, Suele, Hummels, Hector, Khedira, Toni Kroos, Goretzka, Reus, Ozil, Timo Werner

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin