Gjiknuri-gazetarëve italianë: Çdo qeveri juaja duhet ta mbështesë 'Projektin TAP', ja roli i Shqipërisë

Gjiknuri-gazetarëve italianë: Çdo qeveri juaja duhet ta mbështesë 'Projektin TAP', ja roli i Shqipërisë

Ministri Damian Gjiknuri

Ministri i Infrastrukturës dhe Energjisë, Damian Gjiknuri, ka folur për një grup gazetarësh të mediave italiane për çështjen e projektit të gazsjellësit TAP.

Ministri Gjiknuri ka sqaruar rolin e Shqipërisë mbi këtë projekt, duke theksuar se projekti është i rëndësishëm për Italinë dhe çdo qeveri italiane duhet ta mbështesë.

INTERVISTA

Pyetje: Z.minister, a është mbështetja për projektin e gazsjellësit TAP një kusht edhe për afrimin me Bashkimin Evropian?

Nuk është një kusht për Bashkimin Evropian por siguria e furnizimit dhe siguria energjetike është e rëndësishme për zhvillimin ekonomik të vendit. Sa më shumë të zhvillohet vendi aq më afër do të jetë edhe Bashkimi Evropian.

Pyetje: Italia mbetet një partner në çdo rast i priveligjuar për Shqipërinë?

Italia është një vend shumë i rëndësishëm për Shqipërinë dhe ne kemi marrëdhënie shumë të mira. Shumë biznese italiane veprojnë këtu në Shqipëri dhe shumë kompani italiane janë të angazhuara edhe në këtë projekt. Sëfundi ne kemi edhe një marrëveshje mes kompanisë italiane të shpërndarjes së gazit SNAM dhe kompanisë shqiptare shtetërore Albgaz për të mirëmbajtur sëbashku segmentin e gazsjellësit TAP në territorin shqiptar.

Pyetje: Ndërsa këtu projekti po ecën mirë, në krahun tjetër ka një tjetër qeveri në Itali. Cilat do të jenë marrëdhëniet me qeverinë e re?

Besoj se marrëdhëniet mes dy vendeve janë më të forta se sa çdo ndryshim qeverish në Itali. Vendet tona kanë një histori të gjatë dhe kanë interesa të përbashkëta. Mendoj se ky projekt është shumë i rëndësishëm edhe për Italinë, jo vetëm për sigurinë e furnizimit me gaz të Italisë por Italia luan një rol kyç edhe në Europë kur vjen fjala tek ky korridor gazi. Besoj se do të ishte në interesin e çdo qeverie italiane që ta mbështesë këtë projekt.

Pyetje: Në Shqipëri ky projekt është pritur me entuziazëm ndërsa në Itali ka patur disa vështirësi. Si e shikoni këtë situatë nga ana tjetër e Adriatikut?

Nuk më takon mua që të komentoj politikën e brendshme të Italisë pasi nuk kam një panoramë të plotë. Siç e thashë edhe në fillim, parë në këndvështrim tim por edhe në këndvështrimin global dhe europian në veçanti ky projekt është i rëndësishëm për Italinë dhe çdo qeveri italiane duhet ta mbështesë. Ky është mendimi im. Nëse ka ndonjë shqetësim, kuptohet se gjithmonë do të ketë pak njerëz që janë kundër çdo projekti por duhet kuptuar se këto janë projekte afatgjata me efekte pozitive gjithashtu afatgjata.

Pyetje: A e ka mbështetur popullsia projektin TAP këtu në Shqipëri?

Po. Në përgjithësi popullsia e ka mbështetur projektin TAP. Kuptohet, si këtu edhe atje në Itali ka çështje të vogla që lidhen me shpronësimet apo ndonjë aspekt mjedisor por ne kemi punuar sëbashku si autoritete shtetërore, komunitete lokale dhe konsorcium TAP për të zgjidhur këto probleme dhe shtyrë projektin përpara.

Pyetje: A ka ndonjë ngjashmëri me Italinë le të themi për raste ku autoritete drejtuese të komuniteteve lokale janë kundër projektit?

Jo nuk ka ngjashmëri. Të gjithë autoritetet lokale e kanë mbështetur projektin. Kuptohet, çdo shqetësim lokal është adresuar në formën e duhur dhe qeveria ka ndihmuar për zgjidhjen e problemeve. Në çdo rast idea ka qenë se si ta shtyjmë projektin përpara.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Pagoi Nuredin Dumanin që t'i vriste gruan, Prokuroria kërkon 6 vite e 6 muaj burg për ish avokatin Alban Bengasin

Pagoi Nuredin Dumanin që t'i vriste gruan, Prokuroria kërkon 6 vite e 6 muaj burg për ish avokatin Alban Bengasin