POP 5

Lajmet më të lexuara të 5 minutave të fundit

Gjirokastër, dhunë ndaj gruas dhe vjedhje, policia arreston 2 persona/EMRAT

Foto ilustruese

Gjatë 24 orëve të fundit policia e Gjirokastrës ka arrestuar në flagrancë 2 persona nën akuzën e dhunës në familje dhe vjedhjes.

Policia e Gjirokastrës ka arrestuar në flagrancë 51 vjeçarin Perlat Satrafili, banues në Gjirokastër pasi në banesën e tij ka ushtruar dhunë fizike dhe psikologjike ndaj gruas së tij, shtetases H.S 48 vjeçe banuese në Gjirokastër.

Materialet në ngarkim të këtij shtetasi i kaluan Prokurorisë pranë Gjykatës së Shkallës së Parë Gjirokastër për veprime të mëtejshme, për veprën penale "Dhuna në familje" parashikuar nga neni 130/a/4 i Kodit Penal.

Një tjetër shtetas është arrestuar në flagrancë nga policia e Permetit, Geraldo Henaj, 19 vjeç banues në Përmet është kapur duke vjedhur banesën e F.L 42 vjeç.

Materialet në ngarkim të këtij shtetasi i kaluan Prokurorisë pranë Gjykatës së Shkallës së Parë Përmet për veprime të mëtejshme, neni 134 i Kodit Penal.

e.gj.
Komento