POP 5

Lajmet më të lexuara të 5 minutave të fundit

Vrasjet në Dibër të Madhe, prokuroria: Familja u ekzekutua nga vajza e madhe (Detaje)

MAQEDONI-Gjykata e Gostivarit ka vendosur masën 30 ditë paraburgim për tre personat e arrestuar për ekzekutimin e familjes në Dibër të Madhe. Vrasja e tmerrshme që ndodhi më 27 gusht është organizuar pikërisht nga Blerta, vajza e madhe e familjes, e cila pas arrestimit nga policia e Maqedonisë, ka pranuar se është organizatore e vrasjes së trefishtë, por jo ekzekutore.

“E dyshuara e parë, një grua në moshë 28 vjeçare, është nën hetim se ekzistojnë dyshime të bazuara se ka kryer vepër penale – vrasje nga neni 123 paragrafi 3 nga Kodi Penal. Për dy të dyshuarit tjerë, një burrë 31 vjeçar nga Gostivari dhe 62 nga Dibra, ekzistojnë dyshime se i kanë ndihmuar në kryerjen e veprës, që kanë kryer vepër penale – vrasje nga neni 123 në lidhje me nenin 24 nga Kodi Penal”, thote Prokuroria.

28-vjeçarja ka deklaruar se vrasjen e babait, Amid Pocesta, 55-vjeç, nënën Nazmije, 53-vjeçe dhe motrës së vogël, 13-vjeçaren Anila, e ka bërë pasi e kishin penguar të martohet me të dashurin e saj, italian. “E akuzuara ka pranuar se vrasjen e organizuar pikërisht ajo, por jo edhe ekzekutimin. Po hetohet pistoleta, e cila ishte blerë nga Ferdi G. 33-vjeçar nga Gostivari, ndërsa ishte në pronësi të dajës së tij, Veap M. 66-vjeçar nga Dibra, gjithashtu i akuzuar në këtë vrasje të trefishtë. Arsyetimi i 28-vjeçares para punonjëseve policor ka qenë se, prindërit e kanë penguar të martohet me një italian”, thonë zyrtarë të policisë.

Viktimat Amid, Nazmije dhe Anila Pocesta kishin ardhur për pushime në Dibër, dhe u gjetën të vrarë në oborr nga familjarët e tyre, të cilët i munguan një dasme në rrethin familjar.  Fillimisht pas krimit, pista e parë e hetimit ishte konflikti për pronën, një rrugicë, ndërsa për vrasjen u akuzua dhëndri i familjes (kunati) Rasim Findo, por hetimet morën një tjetër rrjedhë duke zbuluar te verteten.

d.ba./b.ha.
Komento