Grabitja dy herë e Prokurorisë Durrës nga i njëjti grup i strukturuar kriminal, ja linjat e hetimit

Grabitja dy herë e Prokurorisë Durrës nga i njëjti grup i strukturuar kriminal, ja linjat e hetimit

Pamje nga Prokuroria e Durrësit pas grabitjes

Prokuroria e Durrësit ka nisur një hetim për “Grup të strukturuar Kriminal” dhe “Kryerjen e veprave penale nga Organizata Kriminale”, hetim i cili pritet të asistohet dhe nga prokurorë të Krimeve të Rënda.

Orienti i këtij hetimi në këtë linjë hetimore është bërë duke marrë shkas nga regjistrimi i dy ngjarjeve kriminale në Durrës ku postieri i postës sekrete i prokurorisë disa ditë më parë u sulmua dhe ju morën disa zarfe me dokumente dhe ngjarja e mëngjesit të sotëm, ku persona të paidentifikuar kanë hyrë në mesnatë dhe kanë marrë dosjet në zyrën e prokurorit Afrim Shehu dhe dy oficerëve të kësaj prokurorie.

Autorët kanë marrë fashikuj hetimorë dhe serverin e përgjithshëm të regjistrimit të pamjeve filmike të kamerave të kësaj prokurorie, duke mos i lënë asnjë mundësi prokurorëve që të analizojnë të dhënat filmike për identifikimin e autorëve.

Objektivi i grabitësve që mendohet se kanë qenë më shumë se dy vetë, ka qenë zyra e prokurorit të Task-Forcës Afrim Shehu dhe dy oficerëve të kësaj prokurorie, zyra këto që janë shumë pranë njëra-tjetrës në këtë prokurori.

Veç dy akuzave “Grup të strukturuar Kriminal” dhe “Kryerjen e veprave penale nga Organizata Kriminale”,prokuroria po zhvillon hetime edhe për akuzën e “Zhdukja ose humbja e fashikullit” dhe “Ndërhyrja në të dhënat kompjuterike”. Prokurori Shehu kohët e fundit gjatë detyrës së tij ka hetuar shumë çështje me problematikë pronat në bregdetin e Durrësit, përfshirë këtu dhe konfliktin për pasurinë për ish-hotel Vollgën në Durrës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • obobobo: 24/05/2018 14:40

    Filmi "NGA MESI ERRESIRES " tregon qe eshte grup nostalgjik dhe me skenar te perserit fundi filmit grabitja arkives . Kush TV e jep ate film keto dite do kete audience te papare intelektuale e policore..

    Përgjigju
  • bledi: 24/05/2018 14:16

    ky prokuror duhet suspend nga puna deri sa te zbardhet e verteta

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

FOTOT/ Oriola Marashi s’lë vend për imagjinatë, ‘çmend’ rrjetin me fotot provokuese në pishinë

FOTOT/ Oriola Marashi s’lë vend për imagjinatë, ‘çmend’ rrjetin me fotot provokuese në pishinë