Ndeshja Belgjikë-Tunizi ka dhuruar më shumë gola se çdo sfidë të deritanishme e Botërorit të Rusisë, ku belgët fituan 5-2, duke kaluar turin. Hazard dhe Lukaku shënuan nga 2 gola secili. Lukaku barazon Cristiano Ronaldon sa u përket shënuesve më të mirë, teksa të dy kanë nga 4 gola. Tunizia eliminohet, ndërsa Belgjika dhe Anglia do të diskutojnë kreun e Grupit G
Belgjika ka bindur edhe në ndeshjen e dytë në grup, duke fituar thellë 5-2 ndaj Tunizisë dhe kaluar pa probleme në turin tjetër, me një golaverazh 8-2 në total. Eliminohet Tunizia, që gjithsesi, arriti të linte gjurmë me shënimin e 3 golave. Hazard kaloi shpejt në avantazh të tijtë, kur realizoi saktë një penallti të fituar që në minutën e gjashtë të ndeshjes. Pa kaluar as 10 minuta, Lukaku shënon golin e dytë pas pasimit të Mertens.
Megjithatë, Tunizia, ashtu si në ndeshjen ndaj Anglisë, ka gjetur golin. Pas një goditje dënimi afër zonës, Bronn kërcen bukur me kokë dhe gjen cepin e portës së Belgjikës.
Në minutën e katërt shtesë të fraksionit të parë, Belgjika gjen golin e tretë. Është sërish Lukaku ai që shënon dhe 3-1. Ishte goli i katërt i Lukakut në total, duke barazuar kështu Cristiano Ronaldon. Pas pushimit kishte vetëm një ekip në fushë dhe ai ishte Belgjika. Hazard shënon dopietën e tij në minutën e 51’, falë një pasimi të De Bruyne.
Në minutat në vazhdim Belgjika u mundua të shënonte më shumë gola, por duhet të kënaqet vetëm me një të Batshuayi, i cili mund të kishte shënuar tre apo katër. Në fund edhe Khazri shënoi një gol në fund për Tunizinë. Ndeshja e tretë për Belgjikën do të jetë ndaj Anglisë, aty do të vendoset se kush do të dalë në krye të grupit.
Belgjikë 2 - 0 Tunizi
