Hetohet në Kinë për shkelje ligji, jep dorëheqjen shefi i Interpol Meng Hongwei

FRANCË– Interpoli ka njoftuar se presidenti Meng Hongwei, i cili u shpall i zhdukur në fund të muajit shtator ka dhënë dorëheqjen nga posti pasi është arrestuar në vendin e tij, Kinë, për shkelje ligjore.

Lajmi është bërë i ditur me anë të një deklarate nga vetë Interpoli, të cilët po ashtu bëjnë me dije se presidenti i ri do të zgjidhet në Asamblenë e Përgjithshme që do të mbahet më 18-21 nëntor.

Sipas rregullores, detyrën e merr pjesëtari më i moshuar i bordit ekzekutiv, pra koreano-jugori Kim Jong Yang. 

LEXO EDHE:
Balla: Shqipëria do të mirëpresë në qershor konferencën rajonale europiane të Interpol! Rregulla të reja për përdorimin e fishekzjarrëve

Njëherasi me kreun e Interpolit, Hongwei mbante edhe detyrën e ministrit të Sigurisë Publike të Kinës në Partinë Komuniste.

Hongwei u zgjodh në krye të Interpolit muajin nëntor të vitit 2016. Gjatë një vizite në vendin e tij, më 25 shtator ai u zhduk duke shkëputur çdo kontakt me bashkëshorten. Mesazhi i fundit që ai i kishte dërguar ishte "emoji" i një thike, që ajo e përktheu si rrezik. 

Mesazhet që i çoi gruas

Por teksa kërkohej në Francë, gazetat kineze shkruanin për burgimin e tij për shkak të akuzave për shkeljet e ligjit. 

Meng ka gati 40 vjet eksperiencë në fushën e drejtësisë penale dhe policisë, ku edhe ka mbikëqyrur çështjet që lidhen me institucionet ligjore, kontrollin e narkotikëve dhe terrorizmin.

TAG:
• Kine
• Interpoli
• dorëheqje
• Hongwei

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.6%

• Të gabuar

  83.7%

• Nuk e di

  4.7%

Vota total: 5349

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di