Historiku/ Baza e Kuçovës, nga shkëlqimi tek kthimi në magazinë perimesh

Baza ajrore e Kuçovës do të shndërrohet në bazën e parë të NATO-s në Ballkanin Perëndimor. Vetëm investimi fillestar është në shifrat e 50 milionë eurove. Drejtuesit e Ministrisë së Mbrojtjes për shumë vite kanë bërë premtime se kësaj baze do i rikthehet shkëlqimi i dikurshëm. Këtë shkëlqim mesa duket do ia rikthejë bazës vetë NATO.

Report Televizion sjell këto pamje ekskluzive të tunelit të bazës ajrore të Kuçovës ku shihen avionët MIG, helikopterë të vegjël, e të tjera pajisje luftarake. Këto pajisje luftarake prej shumë vitesh janë vetëm relike dhe dëshmi të asaj çka ka qenë para shumë vitesh baza ajrore e Kuçovës, e cila së bashku me Uzinën e Riparimit të Avionëve, ishte një pjesë e rëndësishme e ushtrisë shqiptare, por dhe krenari e vendit.

Baza ajrore e Kuçovës, e cila do shndërrohet në bazë të NATO-s, u krijuan zyrtarisht më 24 Prill 1951. Reparti Ushtarak Kuçovë që mbante emrin Reparti “23 Peza” u krijua si formacion i parë i madh luftarak i Forcave Ajrore për mbrojtjen e hapësirës ajrore të Republikës së Shqipërisë. Bërthama e parë e këtij regjimenti u krijua me vendim të posaçëm, ku u morën masa për përgatitjen e efektivit  pilot e teknik për teknikën e re reaktive me të cilën do të pajisej reparti.

LEXO EDHE:
Këshilli NATO-Ukrainë takohet lidhur me sistemet ajrore për Kievin

Në korrik të vitit 1957 në këtë aerodrom u ul për herë të parë avioni bombardues JI- 28, i cili hyri në armatimin e Aviacionit tonë Luftarak. Në vitin 2001 me urdhër të ministrit të Mbrojtjes, në strukturën organizative të Forcave Ajrore, ky repart kalon në Akademia e Forcave Ajrore, duke pasur në vartësi dhe Fakultetin Teoriko-Mësimor, Vlorë. Në gusht të vitit 2016 ministrja e Ekonomisë, Milva Ekonomi nënshkroi një marrëveshje për të ndryshuar destinacionin e Bazës Ajrore e Kuçovës.

Ajo marrëveshje e nënshkruar me një sipërmarrës parashikonte kthimin e bazës në një qendër multi-funksionale, për grumbullimin, seleksionimin, ambalazhimin, ruajtjen dhe tregtimin të frutave e perimeve të freskëta. Që nga viti 2006, kjo bazë ajrore është e mbyllur e gjithçka çfarë shihet nga pajisjet luftarake do të marrin vlerë muzeale.

Funksionimi aktual i bazës ajrore në Kuçovë

Shqiptarja.com ka mësuar detaje të funksionimit aktual të bazës ajrore në Kuçovë, ku do të ndërtohet baza e NATO-s.

Baza ajrore, Kuçovë, në përbërje të Forcës Ajrore me kapacitetet e veta kryen trajnimin e personelit të Forcës Ajrore, mbështetjen me transport të trupave dhe materialeve, në operacione luftarake, joluftarake dhe humanitare. Mbështetjen dhe krijimin e kapaciteteve aeroportuale për mbështetje HSN dhe policim ajror të RSH me NATO.

Mëson Shqiptarja.com 

Kjo bazë ka për detyrë që në bashkëveprim me strukturat e FA dhe të forcave të tjera të FA të sigurojë mbështetjen ajrore në përputhje me misionin.

TAG:
• nato
• baza ajrore e Kuçovës

Sondazhi i ditës:

A ka politika frikë nga SPAK-u?

• Po

  68.8%

• Jo

  26.6%

• Nuk e di

  4.6%

Vota total: 2077

• Sondazhi i ditës:

  A ka politika frikë nga SPAK-u?

  Po Jo Nuk e di