Hoxhaj: Ndryshimi i kufijve në
Ballkan hap kutinë e Pandorës

Hoxhaj: Ndryshimi i kufijve në<br />Ballkan hap kutinë e Pandorës<br>
Rishfaqja e ambicieve të Serbisë për ndryshim të kufijve ka nxitur reagimin e zëvendëskryeministrit të Kosovës, Enver Hoxhaj. Ai tha se kur Beogradi flet për ndarje në Ballkan, ata në fakt e kanë në mendje ndarjen e Bosnjës, duke shtuar se deklaratat e Milorad Dodik janë dëshmi për këtë.

Hoxhaj theksoi se çfarëdo ndryshimi në kufijtë e Ballkanit Perëndimor hap kutinë e Pandorës dhe krijon domino efekt në gjithë rajonin. “Kur Beogradi përmend ndarjen e territoreve në Ballkan, në fakt mendjen e kanë tek ndarja e Bosnjës. Rikonfirmim për këtë është edhe kjo deklaratë e Milorad Dodik. Cfarëdo ndryshimi i kufijve në Ballkanin Perëndimor hap kutinë e pandorës dhe krijon efekt domino në gjithë rajonin”, ka shkruar Hoxhaj, shkruan Zëri.

Udhëheqësi i Republika Srpska në Bosnjë, Millorad Dodik, ka rikthyer ambiciet serbe për ndryshim të kufijve në Ballkan. Madje, ai tha se kjo gjë duhet të bëhet në mënyrë të qetë, pa bërë shumë zhurmë, përkundër faktit se komuniteti ndërkombëtar janë shprehur kundër cfarëdo ndryshimi të kufijve.

Dodik u shpreh se pjesa e Bosnjës me shumicë serbe, dhe pjesa e Kosovës e banuar me popullsi të kombësisë serbe duhet t’i bashkohen Serbisë. Kjo nuk është hera e parë që Serbia shfaq ambicie për ndryshim të kufijve, pasi edhe më herët zyrtarë të lartë të Serbisë kanë dale me ide të këtilla.

d.b/shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Tempulli' deri tani u sekuestruan mbi 1600 kg drogë, Balla: Do vijojmë

'Tempulli' deri tani u sekuestruan mbi 1600 kg drogë, Balla: Do vijojmë