Humbja e finales së Champions, Klopp s'e fsheh zhgënjimin: Dëmtimi i Salah na preu 'krahët'

Liverpool nuk arriti të fitojë trofeun e Champions League, duke u dorëzuar në hapin e fundit, në finalen e Kievit, ku u mund 3-1 nga Real Madridi.

Një mallkim që vazhdon për trajnerin Jurgen Klopp, që rrëfen këtë dështim: “Dëmtimi i Salah është serioz, ishte një ngjarje që na tronditi të gjithëve, i preu krahët ekipit. Pjesën e parë të ndeshjes e luajtëm mirë, patëm edhe raste shënimi. Megjithatë, asnjë nuk do të flasë se përse u mundëm, pasi të gjithë do të flasin për festën e Realit”, tha trajneri gjerman i “reds”.

Duke folur për gafat e portierit Karius, trajneri Klopp shprehet: “Pësuam disa gola qesharakë, ndërsa ai me roveshatë ishte fantastik. Në futboll duhet edhe fat për të fituar, por në këtë finale nuk e patëm me vete, madje e patëm kundër. Po luanim ashtu si ne dimë, por më pas rrjedha e lojës mori një rrugë tjetër, me fatin që na u përplas kundër. Donim të merrnim gjithçka në këtë finale, por për fat të keq nuk morëm asgjë”. 

Kjo është finalja e dytë e Champions që Jurgen Klopp nuk arrin ta fitojë. Në 2013-ën ai çoi Borussia Dortmund-in në finalen e Wembly-t, por trofeun e ngriti Bayern Munchen. Ndërsa dy vite më parë, Liverpool gjithashtu nën drejtimin e trajnerit gjerman nuk arriti të fitojë as Europa League përballë spanjollëve të Sevilla-s. 

LEXO EDHE:
Atalanta eliminoi Liverpoolin, Berat Gjimshiti më i miri në fushë: E jashtëzakonshme

TAG:
• champions league
• real madrid
• liverpool
• Jurgen Klopp
• gafa

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19%

• Jo

  72.2%

• Nuk e di

  8.7%

Vota total: 2301

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di