SARANDË - Dy persona janë arrestuar dhe një tjetër është në hetim në Sarandë pasi akuzohen për zjarrvënie të qëllimshme. Në prangat e policisë kanë rënë Ahmet Haxhiaj, 62-vjeç, banues në Ksamil pasi akuzohet për djegien e një sipërfaqe disa hektarëshe të mbjella me misër, Avdul Karafilaj, 48 vjeç, banues në fshatin Metoq, Sarandë, gjithashtu i akuzuar për zjarrvënien e një sipërfaqe prej 3 ha misër dhe shkure në pronësi të tij. Ndërsa do procedohet në gjendje të lirë P.Th, 54 vjeç, banues në Mesopotam, Sarandë, i cili akuzohet se ka djegur me zjarr disa hektarë (barishte dhe pemishte) në Mesopotam, Finiq.
Njoftimi i policië:
Sarandë
Arrestohen në flagrancë dy shtetas si dhe proçedohet në gjendje të lirë një tjetër për shkatërrimin e pronës me zjarr:
1- Ahmet Haxhiaj, 62 vjeç, banues në Ksamil, Sarandë. Arrestimi i tij u bë pasi me datë 27.09.2018, në fshatin Çukë, Sarandë, dyshohet se ky shtetas ka djegur një sipërfaqe prej disa hetkarësh (misër) në pronësi të shtetasit A.P.
2- Avdul Karafilaj, 48 vjeç, banues në fshatin Metoq, Sarandë. Arrestimi i tij u bë pasi ditën e djeshme dyshohet se ky shtetas ka djegur një sipërfaqe rreth 3 Ha (misër dhe shkurre) në pronësi të tij.
3- P.Th, 54 vjeç, banues në Mesopotam, Sarandë.
Policia filloi proçedimin penal ndaj tij për arsye se ky shtetas dyshohet të jetë autori i ngjarjes më datë 26.09.2018, ku u dogjën me zjarr disa hektarë (barishte dhe pemishte) në Mesopotam, Finiq. Materialet iu referuan Prokurorisë në ngarkim të secilit për veprën penale "Shkatërrimi i pronës me zjarr" parashikuar nga neni 151 i Kodit Penal.