I zhdukur prej 7 vitesh, dëshmia tronditëse nga Austria për të humburin nga Vlora

Emisioni ‘’Pa Gjurmë” në Report Tv trajtoi rastin e humbjes së Mateo Bejajt 7 vite më parë në Vlorë. Ai ishte 14 vjec kur u rrëmbye, ndërsa prindërit akuzojnë hallën për ngjarjen.

Ndërkohë që pas publikimit të fotos në emisionin ’Pa Gjurmë’ një dëshmitare nga Austria dha informacione që mund të dërgojnë në gjurmët e të riut.

Unë kam më shumë se 20 vite që jetoj në Austri dhe punoj si përkthyese. Në 2017 takova një person që thoshte se quhej Ilir Sorra, por e ndërronte në Ilir Arbana. Kishte qëndruar në Hanover, kishte vjedhur një makinë, më pas kishte ardhur në Austri, në një hotel vodhi disa rroba, ndërkohë që ndiqej nga policia dhe u arrestua.

Kur pashë foton pjesa e syve ishte e ngjashme. Ai nuk dinte emrat e prindërve, dinte se ishte nga Vlora, ishte i sëmurë, vuante nga skizofrenia, ishte i dhunshëm, mendohet se kishte kaluar një traumë të madhe. E vërtetova se ishte nga Vlora, ndërsa më duket i ngjashëm në pjesën e syve me Mateo Bejajn.

Ai nëse shikonte policë në rrugë u sulej edhe pa shkak fare. Duke qenë se ishte i dhunshëm në burg e çuan në psikiatri në afërsi të Vjenës. Më pas është lënë i lirë, pasi është shpallur i papërgjegjshëm. Ka qenë në dimër vjet kur është lënë i lirë.

Dëshmia nga Austria

Emisioni ‘’Pa Gjurmë” në Report Tv do të vijojë që të ndjekë rastin e 21-vjeçarit Mateo Bejaj.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Sulmi në Moskë, Ankaraja: ISIS-K u ndihmua nga shërbimet sekrete

Sulmi në Moskë, Ankaraja: ISIS-K u ndihmua nga shërbimet sekrete