Ekskluzive/ Xhemaili: Po t'i shënoja Serbisë, s'do bëja 'shqiponjën', por 'L'-në e djalit tim

Futbollisti i njohur shqiptar i cili luan për kombëtaren e Zvicrës, Blerim Xhemaili, ka rrëfyer ekskluzivisht për Report TV, të gjitha presionet më të cilat janë përballuar përpara ndeshjes me Serbinë në fazën e grupeve të Botërorit. Helvetët fituan atë ndeshje me shifrat 2:1 dhe golat u shënuan nga shqiptarët e tjerë, Xherdan Shaqiri dhe Granit Xhaka. 

I ndodhur në Tiranë, Xhemaili ndan me Report Tv emocionet e Botërorit dhe polemikat që shoqëruan ndeshjen kundër Serbisë. Ai flet edhe për simbolin e 'shqiponjës' që bënë Xhaka dhe Shaqiri pas dy golave të shënuar në portën serbe. Xhemaili thotë se po të shënonte vetë, nuk do bënte simbolin e shqiponjës, por do festonte me shkronjën 'L', gërmën e parë të emrit të djalit të tij, Luan, nga lidhja me modelen Erjona Sulejmani.  

Edhe pse ndaj Serbisë nuk arriti të shënonte, duke rezultuar i pafat në dy momente të mira përpara portës, Xhemaili ia arriti qëllimit në ndeshjen kundër Kosta Rikës...dhe festoi duke bërë gërmën "L".

LEXO EDHE:
‘Veçantizmi’, gropa në të cilën po zhytet Serbia

(Xhemaili duke festuar me 'L'-në golin kundër Kosta Rikës)

Mendoj se ajo ka qenë spontante dhe jo e paramenduar. Unë e festoj golin çdo herë me 'L'-në e djalit tim. Po të kisha shënuar kundër Serbisë, do kisha festuar me 'L'-në e djalit tim. Djali im ka më shumë rëndësi për mua se gjërat politike.   

Blerim Xhemaili, futbollisti shqiptar i kombëtares së Zvicrës

Intervista e plotë e Xhemailit për Report Tv:

Blerim, keni përmbyllur kampionatin e dytë botëror, përsëri me një gol, si ndiheni tashmë?
Mirë. Mendoj se kemi luajtur një botëror shumë të mirë për Zvicrën. Jemi të kënaqur. Tentuam dhe donim të kalonim kundër Suedisë, por ky është futbolli. Jemi të kënaqur edhe kështu, me kaq sa arritëm. 

I keni bërë krenar të gjithë shqiptarët. Çfarë mesazhi ju jepni atyre që iu kanë përkrahur?
Ndeshja kundër Serbisë ka qenë speciale për ne. Kemi qenë katër shqiptarë që luanim për Zvicrën. Kemi hyrë në fushë me idenë që të fitonim ndeshjen dhe jo me frymë politike. Para lojës ka pasur plot provokime prej serbëve, por i harruam ato. Kishim në kokat tona vetëm ndeshjen, donim ta fitonim atë ndeshje. Ka qenë me shumë rëndësi ta fitonim dhe e fituam. Sigurisht i kemi bërë krenar shqiptarët për golat e shënuar, por e rëndësishme është të fitonim. 

Graniti dhe Xherdani festuan me shqiponjë golat. Po të kishit shënuar edhe ju, do e bënit simbolin e Shqiponjës? 
Mendoj se ajo ka qenë spontante dhe jo e paramenduar. Unë e festoj golin çdo herë me 'L'-në e djalit tim. Po të kisha shënuar kundër Serbisë, do kisha festuar me 'L'-në e djalit tim. Djali im ka më shumë rëndësi për mua se gjërat politike.   


(Xherdan Shaqiri dhe Granit Xhaka duke festuar golat kundër Serbisë me simbolin e 'shqiponjës')

Keni ndjerë afrimitet nga ana Zvicrës?
Gjithmonë federata ka qenë pas nesh, edhe për lojtarët që janë me rrënjë shqiptare. Para ndeshjes kemi folur bashkë dhe e dinim që do kishim provokime. Ka qenë një gjë shumë e mirë sepse Zvicra i ka pranuar krejt shqiptarët. Ne jemi krenar që mund t'i japim Zvicrës diçka, sepse Zvicra ka dhënë gjithçka për ne. 

Për ju ky është Botërori i fundit?
Mendoj se, 32 vjet i kam bërë tashmë. Pas 4 vitesh i bie 36 vjeç. 

Karrierën do ta vazhdoni në Itali?
Po, sigurisht do vijoj të luaj në kampionatin italian. 

TAG:
• serbi
• report tv
• intervistë
• Blerim Xhemaili
• ekskluzive
• presion

Sondazhi i ditës:

A ka politika frikë nga SPAK-u?

• Po

  67.3%

• Jo

  28.7%

• Nuk e di

  4%

Vota total: 1026

• Sondazhi i ditës:

  A ka politika frikë nga SPAK-u?

  Po Jo Nuk e di