POP 5

Lajmet më të lexuara të 5 minutave të fundit

Jepet me koncesion për 20 vite kontrolli i matësve te karburanteve

Foto ilustruese

Këshilli i Ministrave ka miratuar dhënien me koncesion me Partneritet Publik Privat për 20 vite të kontrollit të matësve të karburanteve dhe gazit të lëngshëm. Koncesioni i është dhënë kompanisë “Noa Control”, sh.p.k. ndërsa për zbatimin e vendimit ngarkohet Ministria e Financave dhe Ekonomisë.

VENDIMI I QEVERISË
Në mbështetje të nenit 100 të Kushtetutës, të pikës 2, të nenit 4, të ligjit nr.125/2013, “Për koncesionet dhe partneritetin publik privat”, të ndryshuar, dhe në vijim të nenit 15, të rregullave për vlerësimin dhe dhënien me koncesion/partneritet publik privat, miratuar me vendimin nr.575, datë 10.7.2013, të Këshillit të Ministrave, të ndryshuar, me propozimin e ministrit të Financave dhe Ekonomisë, Këshilli i Ministrave

V E N D O S I:
1. Dhënien me koncesion/PPP të shërbimit të kontrollit ligjor të instrumenteve matëse, nëpërmjet verifikimit të instrumenteve shpërndarëse të karburantit dhe gazit të lëngshëm, nga Ministria e Financave dhe Ekonomisë, në cilësinë e autoritetit kontraktues.

2. Miratimin e bonusit prej 10 (dhjetë) për qind të pikëve për rezultatin tekniko-financiar në procedurën konkurruese, e cila i jepet shoqërisë “Noa Control”, sh.p.k.

3. Kohëzgjatja e këtij projekti do të jetë 20 vjet, nga data e nënshkrimit të kontratës së koncesionit/PPP.

4. Ngarkohet Ministria e Financave dhe Ekonomisë për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

d.ba.
Komento

Komente

  • redi: 20/06/2018 17:54

    Ed Rama po e kthen Qeverine ,ne qeveri koncensionesh . E shkaterrive kete shtet me keq se Saliu . Jep doreheqe dhe hapi rruge socialisteve te drejtojn vendin . Prokuroria te nise hetimet per veprimtari antikombetare ne ekonomi te qeverise Rama . Kjo nuk eshte qeverisja qe duam por nje qeveri qe po e delegon pushtetin tek oligarket. Kurre mos i dhente populli vote ketyre qe mashtruan elektoratin e vet . Do vije dita,dhe do te gjykoheah bashke me Gjiknurin , Ahmetajn dhe ministra te tjere qe zbatuan urdherat e tua per PPP . Populli me keq po zhytet ne varferi . Harram vota qe more

    Përgjigju
  • Edi: 20/06/2018 17:47

    Si mundet nje qeveri e votuar per te qeverisur per 4 vjet te jape kontrata per 20 vjet. Ne djall vafshin te gjitha me PD, PS LSI, e ku di une tjeter. Jemi popull in nenshtruar qe nuk dime te kerkome te drejtat tone. Na rropi Saliu me shoke e tani ky i gjati me Lali Erin po bejne namin ndersa ne i shofim nga kajfa. Shqiptar duhet ti shporrim njeher e mire keto qe na kane qeverisur qe nga kofa Zogut

    Përgjigju