Jose Mourinho pranë shkarkimit nga M.United, 'L’Equipe': Do të zëvëndësohet nga Zidane

Jose Murinjo është kthyer në trajnerin më të urryer të momentit në Angli, duke qenë se jo vetëm stafi drejtues, por as tifozët nuk e e duan më në krye të Mançester Junajtidit.

Marrëdhënia që ai ka me futbollistët dhe dështimi për të afruar lojtarë të rinj në merkato, ka bërë që pozicioni i Murinjos të lëkundet ndjeshëm.

Gazeta prestigjoze franceze “L’Equipe” ka konfirmuar se Murinjo është shumë pranë shkarkimit nga posti i trajnerit dhe vendin e tij pritet të zërë ish-trajneri i Real Madridit, Zinedin Zidan.

LEXO EDHE:
Mourinho zbulon sekretet: Kam qarë vetëm një herë në karrierën time

Ky i fundit, u largua nga Real Madridi vetëm pak javë më parë, duke fituar gjithçka me madrilenët dhe për momentin shihet si trajneri që mund të bëjë mirë dhe mund të arrijë objektivat që “djajtë e kuq” kanë.

Nuk do të jetë e lehtë, sepse Manchester United do t’i kushtonte ky operacion mbi 100 milionë euro, duke llogaritur dëmshpërblimin e trajnerit portugez dhe pagën që duhet të japë për Zidane.

Në Angli flitet se drejtuesit e Manchester United duan të emërojnë një drejtor sportiv që të bëjë edhe rolin e menaxherit, duke i hequr kompetencat menaxheriale Jose Morinjos. Ndoshta ky veprim mund të sillte dorëheqjen e trajnerit dhe kështu do t’i hapej rruga Zidane.

TAG:
• Zinedine Zidane
• Jose Mourinho

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.2%

• Të gabuar

  84.1%

• Nuk e di

  4.8%

Vota total: 4977

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di