Kallëzimi i Agron Xhafajt, Krimet e Rënda thërrasin tre zyrtarët e PD

Tre zyrtarët e PD gjatë denoncimit të Agron Xhafajt

Prokuroria e Krimeve të Rënda ka thirrur për të marrë në pyetje tre zyrtarët e PD, dy deputetët Enkelejd Alibeaj dhe Ervin Salianji si dhe ekspertin për Çështjet Ligjore, Gazmend Bardhi, pas padisë së ngritur nga Agron Xhafaj lidhur me përgjimin ambiental i publikuar prej tyre 3 ditë më parë.

Tre opozitarët janë thirrur për t'u paraqitur para Prokurorisë së Krimeve në orën 10:30 të ditës së enjte. Ata do pyeten lidhur me publikimin e videopërgjimit ku pretendohet se Agron Xhafaj, vëllai i ministrit të Brendshëm, Fatmir Xhafaj, bisedon me një trafikant droge për transportimin e një ngarkese me kanabis drejt Italisë i cilësuar si bashkëpunëtori X.

Agron Xhafaj kallëzoi për shpifje të hënën në mbrëmje Alibeajn, Salianjin dhe Bardhin, duke theksuar se sajuan videopërgjimin. Në kallëzimin e bërë në Prokurori, Xhafaj thotë se zëri që dëgjohet në audio nuk është i tij. Kur kanë kaluar tre ditë nga furtuna e akuzave të opozitës në adresë të ministrit të Brendshëm, vëllai i tij, Agron Xhafaj iu është dorëzuar sot autoriteteve italiane për t'u përballur me drejtësinë e vendit fqinj lidhur me një vendim të Gjykatës së Kasacionit që e ka dënuar atë me 7.2 vite burg për trafik droge. 

l.q.
Komento

Komente

  • Hamburg: 16/05/2018 22:42

    Ne qofte se kjo Video esht e montuar keta plera tu hiqet imuniteti dhe plasi brenda funderrinat

    Përgjigju
  • populli: 16/05/2018 17:52

    dretesi pere te gjithe prokuroria te beje punen tamame qofshine kuzhdo

    Përgjigju
  • Kafsha: 16/05/2018 16:32

    Nqse janë vërtet shpifje, plasini brënda fundërrinat!

    Përgjigju