Iu gjet në banesë kanabis çokollatë me vlerë 2.7 mln euro, arrestohet pas 10 ditësh 47-vjeçari nga Berati (VIDEO)

BERAT - I shpallur në kërkim 10 ditë më parë pasi gjatë një kontrolli nga policia në banesë iu gjetën sasi të konsiderueshme kanabisi çokollatë, heroinë e kokainë si dhe municione luftarake, bie në prangat e policisë 47-vjeçari nga Berati. I arrestuari është Landi Bixheku. 

Nga kontrollet e ushtruara nga policia në 18 shtator, në banesën e Bixhekut në lagjen "13 shtatori" u gjetën 441 kg lëndë narkotike Cannabis Sattiva e përpunuar në formën e Çokollatës, 2.5 kilogramë lëndë narkotike e dyshuar Heroinë, një sasi e vogël lëndë narkotike e dyshuar Kokainë, një arkë me 35 granata ofensive dhe 40 difensive dhe peshore elektronike të cilat u sekuestruan në cilësinë e provës materiale. Vlera e kanabisit çokollatë që iu gjet në banesë nëse do hidhej në treg do kapte vlerën e rreth 2.7 mln euro.

Policia ka publikuar edhe pamjet e arrestimit të 47-vjeçarit Landi Bixheku, i cili për 10 ditë me radhë qëndroi në arrati.

Njoftimi i Policisë:

Berat

Kapet dhe ndalohet poseduesi i 2.5 kg Heroinë dhe 441 kg Cannabis Sattiva.

LEXO EDHE:
Zbërthehet grupi shqiptaro-kubanez në Spanjë/ Arrestohen 5 persona! Sekuestrohen 1 ton kanabis dhe pajisje me vlerë 420 mijë euro

Në vijim të operacionit "Kalaja" si dhe pas një pune intensive nga Seksioni Kundër Narkotikëve dhe Trafiqeve u bë ndalimi i shtetasit të shpallur në kërkim:

Landi Bixheku, 47 vjeç, banues në Berat.

Shpallja në kërkim dhe ndalimi i shtetasit të lartpërmendur u bë pasi në banesën e tij në lagjen "13 Shtatori" gjatë kontrollit u gjetën 441 kg lëndë narkotike Cannabis Sattiva e përpunuar në formën e Çokollatës, 2.5 kilogramë lëndë narkotike e dyshuar Heroinë, një sasi e vogël lëndë narkotike e dyshuar Kokainë, një arkë me 35 granata ofensive dhe 40 difensive dhe peshore elektronike të cilat u sekuestruan në cilësinë e provës materiale.

Materialet i kaluan Prokurorisë së Rrethit Gjyqësor Berat për veprën penale “Prodhim dhe shitje të lëndëve narkotike”, “Mbajtja e armëve dhe municioneve ushtarake”, parashikuar nga nenet 283/, 278 të Kodit Penal.

TAG:
• kanabis
• Berat
• arme e municione luftarake
• landi bixheku
• kanabis cokollate

Sondazhi i ditës:

Sa i përhapur është korrupsioni në Shqipëri?

• Shumë

  84.7%

• Pak

  9%

• Nuk e di

  6.3%

Vota total: 3129

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di