POP 5

Lajmet më të lexuara të 5 minutave të fundit

Aksion i gjerë në Vlorë, kapet një gomone, drogë e bidonë me benzinë, rrethohet zona

Gomonia e kapur në Vlorë

Policia ka kryer një aksion të gjerë në Vlorë, ku ka kapur një gomone, drogë dhe disa bidonë me benzinë. Mjeti lundrues 7 metra i gjatë është kapur në Gjirin e Petullës, në Vlorë. Report Tv mëson se gjatë kontrollit të ushtruar janë gjetur dhe disa bidonë me benzinë e dy pako të mëdha të mbështjella me kanabis.

Uniformat blu kanë krehur menjëherë zonën, ku në Gjirin e Petullës kanë gjetur gomonen me një motor, që dyshohet se do përdorej për trafikun e drogës, si dhe drogën e bidonët me benzinë në Gjirin e Bristanit, pas Karaburunit. Report Tv mëson se gjatë aksionit policia ka gjetur dhe 100 kg kanabis të tjera në Gjirin e Bristanit, ndërsa vijon kontrollet.

Policia vijon kontrollet e shumta për të zbuluar sasinë e plotë të drogës, si dhe personat e përfshirë në trafik. Aksioni është kryer nga Policia Kufitare e Vlorës në bashkëpunim me delta Forcën në Karaburun.

Kapet gomonia me drogë në Vlorë, policia zbulon dhe disa bidonë me benzinë

d.co.
Komento