Kapshticë, autoritetet greke s'lejojnë kalimin e autobusëve: Shkak reshjet e dendura të dëborës

KAPSHTICE - Për shkak të kushteve të vështira atmosferike, autoritetet greke në Pikën e Kalimit Kufitar Kapshticë nuk lejojnë kalimin e mjeteve të trasportit autobusë dhe mjeteve të tonazhit të rëndë kamionë, në drejtim të Greqisë. Lajmi bëhet i ditur nga policia shqiptare në një njoftim të shpërndarë për mediat.

Kjo situatë do të vijojë deri në normalizimin e kushteve të motit dhe largimit të dëborës në këtë aks rrugor. Juglindja e vendit tonë por edhe pjesa greke prej ditës së djeshme është dominuar nga reshje të dendura dëbore. Madje në territorin grek raportohet se është bllokuar një segment rrugor. 

Sa takon autoveturave, policia njofton se do lejohet lëvizja por vetëm me zinxhirë.

Policia Kufitare shqiptare apelon për të gjithë drejtuesit e mjeteve që kanë planifikuar lëvizjen për në shtetin grek nëpërmjet pikës kufitare Kapshticë, ta anullojnë ose të përdorin pikat e tjera të kalimit kufitar me Greqinë, deri në normalizimin e situatës për shkak të motit të keq.

TAG:
• reshjet e bores
• autobus
• dogana e kapshtices