Keni parë ndonjëherë haluçinacione?! Ja shpjegimi i llojeve të tyre

Është bërë një studim dhe në bazë të tij mund të kuptoni llojin e halucinacionit që keni parë. Halucinacionet janë dukuri të cilat nuk ndodhin në të vërtetë por mendja jonë i bën të duken të tilla. Madje ka njerëz të cilët fiksohen aq shumë dhe i përjetojnë vazhdimisht si ngjarje të vërteta. Bazuar në llojin e halucinacionit më poshtë keni shpjegimet përkatëse.

Halucinacionet vizuale

Kjo do të thotë të shikosh diçka që nuk është me të vërtetë aty. Edhe pse kjo tingëllon e llahtarshme, është një dukuri e zakonshme e cila mund të shkaktohet si rezultat i ilaçeve ose kombinimit të disa prej tyre. Halucinacionet vizuale mund të shkaktohen edhe si rezultat i gjendjes së rënduar mendore, migrenës ose varësisë ndaj alkoolit.

LEXO EDHE:
Përfiton nga amnistia penale, lirohet nga burgu ish-kryebashkiaku i Lezhës Fran Frrokaj

Halucinacionet dëgjimore

Kjo ndodh kur personat dëgjojnë gjëra të pavërteta. Sipas Neës Medical, ky është dhe lloji më i përhapur i halucinacioneve midis pacientëve me skizofreni, por mund t’u ndodhë shpesh edhe personave të cilët mund të dëgjojnë zërin e personave të dashur që nuk jetojnë më.

Halucinacionet e prekjes

Halucinacionet e prekjes ndodhin kur ndien diçka mbi lëkurë, por që në të vërtetë nuk është aty. Kjo ndodh si rezultat i alkoolizmit ose abuzimit me drogën. Halucinacionet më të zakonshme janë ato të mendimit se një insekt ose gjarpër është mbi lëkurë.

Halucinacione të përjetimit

Këtu përfshihen të gjitha halucinacionet e gjendjes trupore, ku individët që e kanë përjetuar thonë se kanë pasur ndjesi si fluturim, lundrim ose një eksperiencë jashtë trupit të tyre. Kjo mund të shpjegojë edhe ndjesinë se ti ose një pjesë e jotja gjendeni në një vend tjetër, ose mund të ndieni praninë e ndonjë të vdekuri.

Halucinacionet nuhatëse

Këto lloje halucinacionesh përfshijnë nuhatjen e aromave që nuk ekzistojnë realisht dhe, sipas Counselors Soapbox, është një nga format më të rralla të halucinacioneve. Zakonisht këto aroma janë të pakëndshme, si aroma e të vjellës ose feçeve. Kjo mund të ndodhi së pasojë e një dëmtimi në tru ose për shkak të epilepsisë.

TAG:
• halucinacione
• perjetime te ndryshme

Sondazhi i ditës:

A ka politika frikë nga SPAK-u?

• Po

  66.7%

• Jo

  29.5%

• Nuk e di

  3.8%

Vota total: 210

• Sondazhi i ditës:

  A ka politika frikë nga SPAK-u?

  Po Jo Nuk e di