“Këto karrige janë bosh”, aktivistët francezë protestë për dy fëmijët shqiptarë: Ktheni Besardin dhe Sylvinën

Besardi 6 vjeç dhe Sylvina, 9 vjeç, duhet të vazhdonin shkollën fillore në Saint Bruno, por familja e tyre është kthyer në Shqipëri në fund të muajit gusht, për shkak të procedurave me refuzimin e azilit.

Të hënën në mëngjes, aktivistët e Rrjetit të Arsimit pa Kufij, u mblodhën para dyerve të shkollës për të sensibilizuar ndërgjegjësimin mes mësuesve dhe prindërve për familjen Tocilla, e dëbuar sot nga Franca.

Familja shqiptare jetonte në La Benauge që prej vitit 2014, dhe u kthyen në Shqipëri që prej 24 gushtit të këtij viti. Familjes shqiptare i është refuzuar azili dhe kërkesa për leje qendrimi. Ankesa pranë gjykatës administrative është pezulluar.

LEXO EDHE:
A ka ndryshuar qëndrimi i Francës karshi Kosovës ndër vite?

Besardi 6 vjeç dhe Sylvina 9-vjeçare, kanë vazhduar prej kohësh shkollën fillore në “Saint Bruno”. Emrat e tyre rezultonin ende në ditarin e nxënësve që prisnin të nisnin shkollën të hënën. Në banderolat e tyre shkruhej “Dy karriget janë bosh, kjo familje duhet të kthehet”.

Babai i dy të miturve ishte dërguar në spitalin neurologjik CHU Pellegrin. Prefektura e justifikoi dëbimin e kësaj familjeje me argumentin se Shqipëria ishte në gjendje të përgjigjej për sëmundjen e babait. Rrjeti i aktivistëve do të vazhdojë apelin për kthimin në Francë të dy fëmijëve shqiptarë dhe familjes së tyre.

TAG:
• france
• azil
• femije shqiptare

Sondazhi i ditës:

A ka politika frikë nga SPAK-u?

• Po

  68.7%

• Jo

  26.4%

• Nuk e di

  4.9%

Vota total: 3587

• Sondazhi i ditës:

  A ka politika frikë nga SPAK-u?

  Po Jo Nuk e di