Nëse në numrin e sotëm të gazetës Shqiptarja.com print, kishte foto të Shkëlzen Berishës duke pushuar në Verona, në orët e pasdites ishte vetë ish-kryeministri Sali Berisha i cili ka publikuar disa foto në Facebook.
“Të dashur miq, sot kalova një paradite mahnitëse turistike. Vizituam Kepin e Rodonit dhe Kishën e Skënderbeut.
Një bizhu e vërtetë në fondin e trashëgimisë sonë fetare e kulturore në afresket e të cilës gjendej shqiponja e flamurit të prijësit tonë”, shkruan Berisha në Facebook.
(Në foto: Ish-Kryeministri Sali Berisha me bashkëshorten, Lirinë)
Sipas Berishës, “Kepi ka pritur vizitore të famshëm si Perandorin Maximilian I, por aty kudo me panoramën fantastike sundonte hija e gjithëfuqishme e Skënderbeut!”, përfundon mesazhin e tij ish-kryeministri Sali Berisha.
(Në foto: Ish-Kryeministri Sali Berisha me disa turistë në Kep të Rodonit)
Redaksia online
(ac/shqiptarja.com)