Komedia franceze “Darka e lamtumirës” nis turin në rrethe

Komedia franceze “Darka e lamtumirës” pas skenës së Teatrit Kombëtar Eksperimental “Kujtim Spahivogli” po vijon turin në rrethe. Për tre net shfaqja me regji nga Kiço Londo do të jetë premierë në qytetin e Durrësit. Në teatrin “Aleksandër Moisiu”, komedia “Darka e lamtumirës” e cilësuar fantastike nga kritika vjen në skenë me aktorët Gazmend Paja, Laura Nezha dhe Visjan Ukcenaj. Shfaqja ka nisur mbrëmjen e djeshme dhe do të vijoj dhe në datat 12 dhe 15 prill për publikun artdashës durrësak.

( Aktorët, Gazmend Paja dhe Laura Nezha gjatë interpretimit të komedisë "Darka e lamtumirës” )

LEXO EDHE:
Laura Nezha si ‘Elektra’, Kiço Londo me Sofokliun në ArTurbina, personazhet mes zemërimit dhe dëshirës për hakmarrje

Kjo shfaqje depërton në historinë e dyshes Pierre e Clotilde, të cilët përpara se të marrin pjesë në darkën e radhës që nuk e kanë me qejf të shkojnë, marrin një vendim: Të spastrojnë shoqëritë e konsumuara.

Kështu, ata do të organizojnë një darkë lamtumire, që është një përzierje homazhi e lehtësimi për miqtë që do të dalin nga jeta e tyre. Viktima e parë do të jetë pikërisht miku i tyre prej vitesh, Antoine Royer. Por, midis Pierres që është burracak e i mefshtë dhe Clotildes së paparashikueshme e mikut të çuditshëm, gjërat do të dalin jashtë kontrollit dhe darka nuk do të shkojë siç ishte planifikuar prej tyre.

Për të zbuluar më shumë mbi rrjedhën e ngjarjeve dhe a do të ketë një lamtumirë të vertetë në këtë darkë publiku do ketë mundësinë ta shijoj duke parë shfaqjen ”Darka e lamtumirës”./ata/

TAG:
• komedia franceze
• Gazmend Paja
• Laura Nezha

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.4%

• Të gabuar

  83.7%

• Nuk e di

  4.9%

Vota total: 3119

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di