Komiteti Ekonomik dhe Social Europian mbështet hapjen e negociatave për Ballkanin

Mbështetja e sigurisë të Ballkanit Perëndimor ndihmon në zhvillimin dhe  ecurinë e reformimit të këtij rajoni.

Siguria në Ballkanin Perëndimor është siguri në BE. Me këtë bindje Komiteti Ekonomik dhe Social Europian (KESE) miratoi në seancën plenare,  në Parlamentin Europian opinionin pro kohezionit ekonomik dhe social dhe integrimit në BE të Ballkanit Perëndimor.

Burime nga zyra e shtypit pohojnë për se anëtarët e këtij komiteti votuan në shumicë absolute pro zgjerimit të BE me vendet e Ballkanit Perëndimor . Në një njoftim për shtyp lidhur me zhvillimin e seancës së sotme plenare theksohet se ky komitet rekomandon që "integrimi i Ballkanit Perëndimor  duhet të jetë një prioritet i lartë i BE."

LEXO EDHE:
Në Kroaci Ballkanit i vlen vetëm fitorja, Daja: Dinamo Zagreb shumë e fortë, por s'dorëzohemi

Opinioni mbështetës vjen menjëherë pas rekomandimit të pakushtëzuar të Komisionit Europian që Shqipëria dhe Maqedonia janë gati për hapjen e negociatave të anëtarësimit. Komiteti vëren se zgjerimi i BE-së,  "përhapja e vlerave demokratike dhe standardeve ligjore në Ballkanin Perëndimor janë në interes të të dy vendeve të Ballkanit Perëndimor dhe BE"

Njoftimi për shtyp citon Andrej Zorko, raportues për opinionin e Komitetit Ekonomik dhe Social Europian të ketë thënë që "promovimi i vlerave të BE-së në Ballkanit Perëndimor garanton siguri dhe stabilitet, forcon zhvillimin social dhe ekonomik, demokracinë dhe sundimin e ligjit në vendet e Ballkanit Perëndimor. Në këmbim kjo do të thotë stabilitet dhe siguri për BE-në.

Sfidat e Ballkanit Perëndimor si mund KE të përshpejtojë zhvillimin e rajonit?

Sfidat janë tanimë të njohura. Korrupsioni, ndikim i krimit të organizuar, dobësia e përgjithshme e institucioneve shtetërore dhe sundimi i ligjit, diskriminimi ndaj grupeve në minorancë janë sfidat kryesore me të cilat përballen vendet e Ballkanit Perëndimor.

"Ekonomitë e tyre vazhdojnë të rriten, por, pavarësisht kësaj, gjashtë vendet mbeten ndër më të varfërit në Evropë. Vendet e BP mund të arrijnë për 40 vjet konvergjencë të plotë me standardet e jetesës së BE” u theksua ne séancën e sotme plenare.

Por KE mund të përshpejtojë zhvillimin social dhe ekonomik të Ballkanit Perëndimor . KESE sugjeron që Komisioni Evropian  të zhvillojë programe specifike për një konvergjencë më të shpejtë sociale dhe ekonomike të Ballkanit Perëndimor. Ai duhet të ndërmarrë masa specifike në fushat e sundimit të ligjit, sigurisë dhe migracionit, zhvillimit socio-ekonomik, lidhjes, agjendës dixhitale dhe pajtimin dhe marrëdhëniet e mira fqinjësore.. theksohet në njoftimin për shtyp. 
Ofrimi për të rinjtë e Ballkanit Perëndimor të më shumë mundësive për arsim dhe punë , ofrimi i perspektivave të qarta për të ardhmen gjithashtu do të reduktojë ikjen e trurit dhe migracionin për motive punësimi që është ende mbetet problem dhe çështje dominuese për rajonin.
Procesi i pranimit në BE- motiv kyç për reformat në Ballkanit Perëndimor

Sipas njoftimit për shtyp, Dimitris Dimitriadis , bashkë-raportues i opinionit të KESE, theksoi se: "Procesi i pranimit në BE mbetet një motiv kyç për reformat në vendet e Ballkanit Perëndimor".
 Komiteti Ekonomik dhe Social Europian vëren se nderkohë që mungon vëmendja për efektet ekonomike dhe sociale të reformave të kryera, duke pasur parasysh ndryshimet e mëdha lidhur me sigurinë ekonomike dhe sociale të njerëzve në shteteve anëtare të BE dhe atyre në shtetet kandidate për anëtarësim. KESE rekomandon që kohezioni social, ekonomik dhe territorial të vlerësohet gjatë vlerësimit të përmbushjes së kritereve të anëtarësimit në BE.

Shoqëria civile - rol të rëndësishëm në procesin e integrimit

Komisioni Social Ekonomik Europian vlerësohet si zëri i shoqërisë civile në Europë. Në miratimin e opinionit pro zgjerimit të BE me vendet e BE komiteti theksoi rolin aktiv të shoqërisë civile për të promovuar masa specifike në sundimin e ligjit, sigurisë, zhvillimit social dhe ekonomik, agjendës digjitale ne BP, pajtimit dhe marrëdhënieve të mira me fqinjët. Organizatat e shoqërisë civile në  BE dhe BP duhet të përfshihen në  të gjithë procesin e integrimit në BE të vendeve të Ballkanit Perëndimor. Komiteti propozoi sot që institucionet e BE-së të konsiderojnë si një nga kriteret për anëtarësimin në BE dialogun funksional social dhe civil në nivel kombëtar.
 
Komiteti Ekonomik dhe Social Europian është një organ konsultativ i themeluar në vitin 1957 nga Traktati I Romës. Ai ka 350 anëtarë nga gjithë Europa që emërohen nga Këshilli i Bashkimit Europian. Komiteti përfaqëson shoqërinë e organizuar civile. Roli i tij konsultativ u mundëson anëtarëve dhe organizatave që ata përfaqësojnë, të marrin pjesë në procesin vendimmarrës të BE./DW
 

TAG:
• negociatat
• Bashkimin Evropian
• ballkani

Sondazhi i ditës:

Sa i përhapur është korrupsioni në Shqipëri?

• Shumë

  84.2%

• Pak

  9.3%

• Nuk e di

  6.5%

Vota total: 2365

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di