Flet Rektori i UT, Mynyr Koni: Ja kuotat dhe tarifat

Të gjithë maturantët që duan të aplikojnë në Universitetin e Tiranës kanë 6211 kuota të lira. Rektori Mynyr Koni në një dalje për mediat bëri me dije se kriteret e pranimit, kuotat dhe tarifat janë të pandryshueshme nga viti i shkuar.

KRITERET

Nga data 30 korrik deri më 4 gusht të gjjithë maturantët e vendit kanë 6 ditë kohë për të plotësuar formularin A2 duke aplikuar për në universitete në 10 preferenca. Rektori Mynyr Koni bëri me dije dje kriteret e pranimit në universitete. Sipas tij kriteret janë të kategorizuara në tre komponentë bazë, mesatarja e 3 viteve të shkollimit, mesatarja e provimeve të maturës shtetërore që përbëjnë 50 përqind të pikëve, ndërsa pjesën tjetër e kanë grup lëndët sipas specifikave të programit. “Sipas udhëzimit deri në datën 4 gusht është periudha e aplikimeve për raundin e parë. Studentët të konsultohen sipas dhjetë preferencave. Më 10-12 do të bëhet regjistrimi. Jini të qetë. Bëni përzgjedhje të kujdesshme.

LEXO EDHE:
Sezoni në qershor, studentët do të bëjnë provimet online, rektori Artan Hoxha: Për disa lëndë specifike, provimet në auditor

Mynyr Koni

KUOTAT

Mynyr Koni ka deklaruar se kuotat në Universitetin e Tiranës janë të njëjtat me vitin e shkuar. Ai ka deklaruar se universiteti i Tiranës këtë vit ka gjithsej 6211 kuota pranimi.

5545 kuota janë për maturantët e Shqipërisë, 179 kuota janë për trojet, pra për shqiptarët që vijnë nga Kosova, Maqedonia, Mali i Zi, Presheva etj, 41 kuota janë për shtetasit e huaj, 179 kuota janë për kategoritë e veçanta, 170 për transferime dhe 97 për ata që duan fakultete të dyta.

Mynyr Koni

Rektori ka sqaruar edhe çështjen delikate të pagesës për vitin e ri shkollor që duhet të bëjë studentët. Koni është shprehur se tarifat në të gjitha degët e Universitetit të Tiranës mbeten të pandryshyshme. Rektori Koni bën me dije tarifat sipas fakulteteve.

Edhe për këtë vit të ri akademik, kuotat e tarifave të studimit nuk do të ndryshojnë, ato do të variojnë nga 25 mijë lekë që janë Fakulteti i Shkencave të Natyrës dhe Fakultteti i Gjuhëve të Huaja, 30 mijë lekë Fakulteti i Histori Filologjisë, 35 mijë lekë Fakulteti i Ekonomisë dhe 40 mijë lekë Fakulteti i Drejtësisë dhe i Shkencave Sociale.

Mynyr Koni

AKREDITIMI

Lidhur me akredimit të Universiteti të Tiranës, rektori Koni tha se brenda shtatorit mbarojnë të gjitha procedurat përkatëse, ndërsa statuti i ketij univesiteti është në fazën finale dhe brenda shtatorit pritet miratimi.

RAPORTI I MINISTRISË

Lidhur me projekt raportin e ministrisë së Arsimit në të cilën konstatoheshin shkelje të Mynyr Konit, rektori i Unniversitetit të Tiranës tha se: “Titullari i institucionit, rektori e ushtron kompetencat e tij kudo që ndodhet. Në këtë aspekt janë parashikuar të gjitha detyrimet. Nuk ka rëndësi fare vendodhja se ku mund të jetë ai vazhdon dhe kryen funksionet.” tha rektori I UT, Mynyr Koni.

Rektori Koni tha se i ka shprehur me shkrim qendrimet e tij dhe pa u shprehur ministria nuk do të japë komentin e tij.

PAGESAT NË UNIVERSITETIN E TIRANËS

Fakulteti i Shkencave të Natyrës 25 mijë lekë

Fakulteti i Gjuhëve të Huaja 25 mijë lekë

Fakulteti i Histori Filologjisë 30 mijë lekë

Fakulteti i Ekonomisë 35 mijë lekë

Fakulteti i Drejtësisë 40 mijë lekë

Fakulteti i Shkencave Sociale 40 mijë lekë

TAG:
• mynyr koni
• UT

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.1%

• Jo

  72.3%

• Nuk e di

  8.6%

Vota total: 2006

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di