Kontrolli/ Tatimet: 40% e subjekteve të turizmit u gjetën me shkelje

Janë 6.000 subjektet, të cilat u kontrolluan këtë sezon nga Tatimet në kuadër të aksionit të tyre në sektorin e shërbimit turistik. 40 për qind e tyre kanë rezultuar me probleme, deklaroi dje drejtoresha e Përgjithshme e Tatimeve, Vasilika Vjero.

Sipas saj, më shpesh janë hasur shkelje të tilla si mosregjistrimi i tatimpaguesve pranë organeve tatimore, mosdeklarimi i të punësuarve, mospagesa e kontributeve, ekzistenca e tatimpaguesve që nuk lëshojnë kupon tatimor, nuk faturojnë produktet që ata tregtojnë, ekzistenca e printerave jofiskalë apo mosregjistrimi pranë hoteleve i personave që janë duke pushuar. Në total, vlera e shkeljeve i kalon 90 milionë lekë evazion ndaj detyrimeve të privatit për shtetin.

“Po kështu, janë hasur edhe 240 tatimpagues të paregjistruar pranë organeve tatimore qendrore dhe vendore, të cilët janë bllokuar menjëherë dhe janë orientuar drejt Qendrës Kombëtare të Biznesit për t’u regjistruar”, u shpreh më tej Vjero.

LEXO EDHE:
Tatimet ‘i vihen pas’ shoferëve me makina luksoze! Hetim të ardhurave të pronarëve! Në 2026, ngrihet regjistri me pasuritë e milionerëve

Sipas Tatimeve, janë konstatuar 366 tatimpagues, me punonjës të padeklaruar, të cilët janë futur në skemën e kontributeve shoqërore dhe shëndetësore. Ndërkohë, gjatë sezonit veror janë punësuar 15.000 punonjës të rinj, nga të cilët 5.458 në Durrës; 3.377 në Vlorë; 2.208 në Sarandë dhe 1.777 në Shkodër.

510 tatimpagues kanë rritur detyrimin për pagesën e TVSH-së. Kjo rritje llogaritet të jetë rreth 463% krahasuar me të njëjtën periudhë të vitit 2017.

Administrata tatimore njofton se do të vijojë me kontrollet e subjekteve, që zhvillojnë akvititet në zonat turistike. Ajo u bën thirrje të gjithë tatimpaguesve për të zbatuar legjislacionit tatimor dhe për vetëpërmbushje. Ndërkohë, çdo të punësuari, Tatimet i kërkojnë që të denoncojë mospagesat e kontributeve për punën e tij.

TAG:
• tatimet
• kontrolle

Sondazhi i ditës:

Partia e Mitsotakis kandidon Fredi Belerin për eurodeputet, si e vlerësoni?

• Pozitive

  12.4%

• Negative

  81.5%

• Nuk e di

  6.1%

Vota total: 572

• Sondazhi i ditës:

  Partia e Mitsotakis kandidon Fredi Belerin për eurodeputet, si e vlerësoni?

  Pozitive Negative Nuk e di