POP 5

Lajmet më të lexuara të 5 minutave të fundit

Konventa e LSI, Kryemadhi bën thirrje për protesta: Të ngrihemi, kemi detyrime kombëtare

Kryetarja e LSI, Monika Kryemadhi bën thirrje për nisjen e protestave. Nga Konventa Kombëtare e LSI, Kryemadhi tha se protesta e studentëve i dha një leksion politikës, por tashmë, sipas saj, është koha për marrjen e përgjegjësive kombëtare. Sipas saj, vendi sot po kalon momentet më të vështira. Ajo shtoi se protesta studentore i dha vendit shpresën e madhe se bashkë mund të fitohet, sipas saj, jo politikisht, por patriotikisht

Dua të bëj një sqarim për protestën e studentëve: ata nuk janë anëtarë të partive politike, ata janë fëmijët e shqiptarëve. Duke qenë të tillë është detyrimi ynë moral për t’u kujdesur për ta. Studentët ndezën përgjegjësinë publike që duhet të ketë çdo qytetar. Ne morëm një mësim të mirë nga ta, mësim që zgjoi sado pak revoltën brenda nesh. I kemi mbaruar detyrimet politike, tani kemi detyrime kombëtare. Në Fier të mbrojmë naftëtarët, në Bulqizë të mbrojmë minatorët. Të ngrihemi për biznesin e vogël dhe të mesëm. Të ngihemi për mjekët dhe infermierët. Të ngrihemi për pensionistët që marrin lëmoshë. 

Sot vendi ka një nga momentet e tij më të vështira, prandaj ne duhet të harrojmë idealin politik, sot e vetmja ideologji që duhet të qarkullojë, jo vetëm në LSI, por në gjithë klasën politike është vetëm një Shqipëria është shtëpia jone, atdheu, familja që duhet të kujdesemi si kujdesemi për shtëpinë tonë. Them sot një përkrahje të madhe për studentët që na dhanë dinjitet, shpresë, por mbi të gjitha na dhanë besim që të bashkuar do të fitojmë, jo politikisht, por për të fituar patriotikisht se sot është në diskutim çështja e vendit.

Duhet të sakrifikojmë cdo gjë, edhe jetën, se çdo prind e jep jetën për të ardhmen e sigurtë të fëmijëve të tij. Ju e dini shumë mirë se Shqipërisë iu premtuan 300 mijë vende pune, nuk pamë, por pamë mbi 400 mijë shqiptarë të larguar, por mijëra biznese të mbyllura dhe falimentuara, lot nënash që qanin se nuk kishin mundësi të ushqenin fëmijët. Kemi një mision: të kthejmë shqiptarët në Shqipëri që të ndërtojnë atdheun europian për të cilin kemi inspiruar. Ky është misioni ynë. E ardhmja e Shqipërisë janë djemtë dhe vajzat e shqiptarëve.

Monika Kryemadhi, kryetare e LSI

Kryemadhi kishte një thirrje edhe për socialistët. "I japim dorën çdo socialisti dhe demokrati, ballisti dhe komunisti, pa parti. Ky uzurpim ka një rrugë për ta ndaluar, bashkimi në rrëzimin e tij. Ne do të marrin përsipër çdo sfidë. Në emër të atyre djemve dhe vajzave, unë besoj se Shqipëria ka të ardhme. I lutem Zotit për mëkatet tona, ndaj kësaj të keqe që na ka pushtuar".

Projekti i "Unazës së Re" është nga më të voglat afera korruptive, shtoi ajo, duke shtuar se ai projekt po shemb shtëpitë e shqiptarëve. Kryemadhi iu referua edhe premtimeve të Ramës për uljen e borxhit, rritjen e pagave apo dhe luftën ndaj narkotikës, premtime të cilat sipas saj nuk janë mbajtur. "Do të ulte borxhin publik por nuk e bëri. Do të krijonte rritjen e pagave, por jo vetëm që nuk i rriti por edhe i uli. Kemi luftën kundër narkotikëve, sot 2.4% e shqiptarëve janë përdorues të kokainës", tha Kryemadhi.

(Kliko këtu për të lexuar projektrezolutën e LSI)

l.q./al.sp.
Komento

Komente

  • Hinglateri: 12/01/2019 22:18

    Po sa her qe flet kjo Moni**a mua ngrihet...

    Përgjigju
  • Loku: 12/01/2019 19:42

    Hahahaha... Keta derdimene te partise se haremeve te Jales dhe grabitjes me bllok ne dore per te cilen u vrane 4 qytetare ne bulevard... jane nje bande hajdutesh syshqyer qe jane bere per tu qare por dhe per tu qeshur bashke...

    Përgjigju
  • TONI: 12/01/2019 15:26

    nora mos qaj shume se mos deshtosh...

    Përgjigju
  • Gazmir: 12/01/2019 14:39

    Keta te Lesh e Lisë janë ber si sekt fetar. Me qelbesirat jan keta me Liken e flliqur qe u pa me video se kush ishte. Dhe nuk kan turp Po dalin edhe kanë goje te flasin keto flliqesira, militant e trushplare.

    Përgjigju
  • Rruqja: 12/01/2019 14:17

    RROFSH MOJ KOK MADHJA JONE QE NA MBRON FEMIJET NGA DROGA KUR JE NE OPOZITE SE KUR JE NE PUSHTET E DON PER VETE BASHKE ME BENJAMININ E LIKES SALI BERISHEN .PER KTE PUNE JU E DASHUR MONIK KRIJUAT MBRENDA SHTETIT SHTETIN E DROGES ME EMRIN LAZARAT PER TE USHQYER RININ E ASAJ KOHE DHE PER TE NDERTU SARAJET NE GJIRIN E LALZIT .POPULLI TA KA CJERR MASKEN TY DHE GRUPIT TEND OPZITAR DHE E DIN SHUM SA E VRET MENDJEN TI DHE OPOZITA JOTE PER KETE RINI .QE TE QAN ZEMRA SE TE KA PARE 8 VJET NE QEVERISJE ME BLLOK NE DORE .

    Përgjigju
  • Arbër: 12/01/2019 13:47

    Lot krokodili, ngushllime familjes meta për ngritjen e SPAK-ut!

    Përgjigju