VIDEO/ Përplasje me armë zjarri mes dy grupeve rivale para Bashkisë së Korçës, një i plagosur (Detaje)

KORÇË - Një përplasje me armë zjarri ka ndodhur këtë të shtunë përpara Bashkisë së Korçës, në lagjen nr.7, pas një konflikti mes disa personave, duke shkaktuar panik te kalimtarët e rastit. Ngjarja ka ndodhur në një prej zonave më të frekuentuara të qytetit, jo shumë larg komisariatit të policisë. 

Gazetarja e Report Tv, Iris Rezhda, raporton se personat e përfshirë në konflikt kanë zbritur nga tre automjete dhe janë përleshur me njëri-tjetrin. Për pasojë njëri prej tyre, i identifikuar si Erjon Hoxhallari, 38-vjeç, një person i njohur nga policia pasi rezulton me precedent penal, ka mbetur i plagosur me armë zjarri. Ai është transportuar me urgjencë në drejtim të spitalit të Korçës ku mësohet se ndodhet jashtë rrezikut për jetën.

LEXO EDHE:
Korçë/ vijon ndërtimi i rrugës Maliq-Lozhan, shikoni ku janë punimet

Pak minuta pas ngjarjes policia arrestoi disa persona, përfshirë edhe autorin e plagosjes, si dhe ka shpallur në kërkim një tjetër. Gjithashtu, të arrestuarve iu është sekuestruar edhe arma e zjarrit, tip pistoletë. Vijojnë hetimet për zbardhjen e rrethanave të plota të kësaj ngjarje. 

Falë reagimit të menjëhershëm të Policisë, në një kohë rekord kapet dhe arrestohet në flagrancë autori i dyshuar i plagosjes me armë zjarri të një 38-vjeçari.

Ngjarja e ndodhur pak minuta më parë, në lagjen nr. 7 përpara Bashkisë Korçë, ku pas një konflikti midis disa personave për motive të dobëta, mbeti i plagosur shtetasi E.H, rreth 38 vjeç, i cili ndodhet në Spital jashtë rrezikut për jetën.

Policia sekuestroi armën e zjarrit tip pistoletë në vendin e ngjarjes dhe shoqëroi në Komisariat disa persona dhe midis tyre edhe autorin e dyshuar të ngjarjes. Po vijonë hetimet për zbardhjen e rrethanave të ngjarjes, identifikimin dhe kapjen e personave të tjerë të përfshirë në të.

TAG:
• Korce
• plagosje
• erjon hoxhallari

Sondazhi i ditës:

A ka politika frikë nga SPAK-u?

• Po

  68.5%

• Jo

  26.7%

• Nuk e di

  4.8%

Vota total: 2264

• Sondazhi i ditës:

  A ka politika frikë nga SPAK-u?

  Po Jo Nuk e di