Korrigjimi i kufijve, Thaçi propozon referendum: Ta vendosë populli i Kosovës

Presidenti i Kosovës, Hashim Thaçi deklaroi sot se “e kam hedhur poshtë me kohë opsionin e ndarjes dhe të shkëmbimit të territoreve, por opsioni më i mirë është referendumi që të vendosin qytetarët se cili opsion duhet”.

“Një mesazh për ata që mendojnë se korrigjimi i kufijve në mënyrë paqësore është ide e keqe, përkundër faktit se e dinë që është mundësia e vetme që Presheva, Bujanoci dhe Medvegja t’i bashkohen Kosovës”, shprehet Thaçi.

Më tej Presidenti Thaçi shprehet se “që të jem i qartë: Unë e kam hedhur poshtë me kohë opsionin e ndarjes dhe të shkëmbimit të territoreve". "Unë jam duke folur vetëm për korrigjim të kufirit në mënyrë paqësore, dhe atë, në favor të Kosovës. Ndërsa, kundërshtuesit e këtij propozimi, propagandojnë për ndarje dhe shkëmbim të territoreve”.

LEXO EDHE:
DASH: Problemet me pavarësinë e gjyqësorit dhe kufizimet në lirinë e mediave, ndër shqetësimet kryesore për Kosovën

Po ashtu Thaçi shton se “në një situatë të tillë, vërtet që nuk mbetet rrugë tjetër përveç fuqizimit të vendimmarrjes së qytetarëve të Republikës së Kosovës, duke iu mundësuar atyre për të vendosur vetë se kush ka të drejtë dhe se cili opsion është në interes të Kosovës". "Prandaj, është e domosdoshme që t’iu mundësojmë qytetarëve tanë të drejtën e referendumit, gjë që për të cilën jam duke punuar që të bëhet realitet”. 


(Postimi i Thaçit në rrjetet sociale)

TAG:
• kosove
• hashim thaci
• rishikimi i kufirit

Sondazhi i ditës:

Sa i përhapur është korrupsioni në Shqipëri?

• Shumë

  85.7%

• Pak

  9.2%

• Nuk e di

  5.1%

Vota total: 629

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di