POP 5

Lajmet më të lexuara të 5 minutave të fundit

Krijimi i Forcave të Armatosura, Thaçi: Dëshmi e guximit, përgjegjshmërisë dhe unitetit të popullit kosovar

Presidenti i Kosovës Hashim Thaci

Presidenti Hashim Thaçi e ka cilësuar Ushtrinë e Kosovës nder, siguri dhe mirëqënie të Republikës së Kosovës. Ai shkruan në rrjetin social “Facebook” se pas dy dekadash shumë të mundishme, Kosova më në fund po përmbyll procesin e shtetndërtimit.

“Në Kuvendin e Kosovës, me shumicë absolute, përtej dallimeve politike, si rrallëherë të zgjedhurit e popullit miratuan pakon ligjore për themelimin e Ushtrisë së Kosovës. Si shoqëri dhe shtet e kemi dëshmuar se jemi të guximshëm, të përgjegjshëm dhe dimë të qëndrojmë të bashkuar për t’i mbrojtur interesat e popullit dhe shtetit tonë”, shkruan me tej Thaçi.

Në fund, presidenti kosovar e cilëson krijimin e ushtrisë si dhuratën më të mirë për festat e fundvitit.

Postimi i plotë i Hashim Thacit në rrjetin social "Facebook"

a.s.
Komento