Krishtlindjet e futbollistëve/ Pogba 'i papërmbajtshëm', Messi, Ronaldo dhe Modric festojnë me familjet

Futbollistët nga e gjithë bota kanë festuar që ta festojnë festën e Krishtlindjeve njësoj sikurse njerëzit e zakonshëm. Shumica prej tyre kanë zgjedhur të jenë pranë familjeve, ashtu si edhe rasti i Pogba-s që këto ditë duket më i lumtur se kurrë, kjo edhe për shkak të largimit të Mourinho-s.

Në një video të postuar në rrjetet sociale futbollisti francez shfaqet mjaft energjik në shtëpinë e tij, teksa shihet duke kërcyer së bashku me dy vëllezërit. Më tej Pogba dëgjohet teksa thotë: Kjo ndodh kur ne bëhemi bashkë.

Po kaq të lumtur janë shfaqur edhe yje të tjerë të futbollit, veçse më të përmbajtur se Pogba. Cristiano Ronaldo i ka uruar Krishtlindjet së bashku me të fejuarën e tij Georgina dhe katër fëmijët. Të njëjtën gjë kanë bërë edhe Messi me Modric, dy futbollistë të cilët njihen njihen si personazhe familjarë.

Më interesante është urimi i sulmuesit të Tottenham, Harry Kane. Anglezi ka postuar një foto ku duket pema e Krishtlindjeve dhe në maj të saj nuk është ylli i zakonshëm, por Këpuca e Artë që futbollisti e fitoi si golashënuesi më i mirë i “Premier League”.

Neymar ndërkohë ndryshe nga ç’na ka mësuar, këtë herë ka qenë i përmbajtur. Braziliani i Paris SG në foton e postuar për Krishtlindje shfaqet me prindërit e tij, motrën dhe një personazh të panjohur. Si përshkrim i fotos është fjala “familje”.

Portieri i Manchester United, De Gea, Krishtlindjet i ka uruar afër bredhit dhe nën shoqërinë e partneres Edurne, ndërsa sulmuesi i Chelsea-s Alvaro Morata përveç bashkëshortes Alice shfaqet edhe me dy binjakët e tij.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë