Kukësi në vazon 1 të Champions, nëse Skënderbeu nuk merr pjesë

Kukësi në vazon 1 të Champions, nëse Skënderbeu nuk merr pjesë

Skuadra e Kukësit

Kukësi barazoi 2-2 në ndeshjen e fundit me Luftëtarin dhe siguroi matematikisht vendin e dytë. Menjëherë kanë filluar të bëhen llogaritë sa i përket pjesëmarrjes në Europë. Kukësi zyrtarizohet në vazon e skuadrave të forta në shortin e turit të parë të Champions League, gjithnjë nëse Skënderbeu nuk do të marrë pjesë.

Sigurisht, verilindorët duhet të presin të mësojnë se çfarë do të ndodhë me Skënderbeun dhe apelimin e tij në CAS para se të fillojnë përgatitjet për një aktivitet të tillë.

Por në kushtet aktuale, vendimi në fuqi i përjashtimit nga Europa i korçarëve për 10 vjet, bën që kuksianët të jenë pjesëmarrës në Champions. Nëse Skënderbeu dihej se e kishte të sigurt praninë në vazon e më të fortëve për turin e parë, kësaj arritje tashmë mund t’i gëzohet edhe Kukësi, kjo falë pjesëmarrjes rregullisht vitet e fundit në Europë dhe rezultateve, duke rritur koeficientin.

Me mbylljen e pjesës më të madhe të kampionateve në Europë dhe me përllogaritjet e koeficienteve, skuadra e drejtuar nga Pacult e sheh veten mes 15 emrave në pjesën e sipërme të grupit të ekipeve që marrin pjesë në Champions.

Kjo do të thotë një mundësi më e madhe për kalimin e turit të pare, pasi do të ketë ekipe të kampionateve më të dobëta si rivalë, ndërsa evitohen emra si Ludogorets i Bullgarisë, Celtic i Skocisë, APOEL Nicosia i Qipros, Astana i Kazakistanit, Qarabag i Azerbajxhanit apo Crvena Zvezda e Serbisë, skuadra që më parë kanë pjesë edhe në grupet e Champions League.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet