Kurban Bajrami/ Meta uron besimtarët myslimanë: Mirësi, solidaritet e dashuri në çdo familje

Presidenti i vendit, Ilir Meta ka uruar me anë të një mesazhi të gjithë besimtarët myslimanë për festën e Kurban Bajramit. Meta shpreh urimet e tij për këtë festë, ku mes të tjerash thotë se kjo festë thekson besimin ndaj vlerave fetare e njerëzore.

Mesazhi i plotë i Metës:

Të dashur besimtarë myslimanë shqiptarë!
Dita e shenjtë e Kurban Bajramit na kujton ripërtëritjen e ndjenjave të besimit, të devotshmërisë, të thjeshtësisë e të përuljes para të Plotfuqishmit.
Kjo ditë feste e bashkimi, simbol i sakrificës sublime, thekson besimin e patjetërsueshëm ndaj vlerave më të mira fetare e njerëzore, duke na ftuar të ndajmë begatinë tonë me më të vobektit, me më të pafatët dhe me ata që gjenden në nevojë.
Mbi gjithçka kjo Festë përjetëson e vërteton harmoninë dhe bashkëjetesën fetare proverbiale, që e ka karakterizuar kombin tonë prej shekujsh.

Në këtë ditë të shenjtë dëshiroj të uroj besimtarët myslimanë shqiptarë kudo ndodhen:

Gëzuar dhe përshumëvjet Festën e Kurban Bajramit!

Ju uroj nga zemra sa më shumë mirësi, solidaritet, mirëkuptim e dashuri në familjet tuaja si dhe mes njëri-tjetrit, të gjithë shqiptarëve kudo ku jetojnë!
Sa më tepër paqe, tolerancë, mirëbesim e begati!
Zoti i ndihmoftë shqiptarët dhe Shqipërinë për jetë të jetëve!

LEXO EDHE:
Meta në Vlorë: ‘Nëndetësja 105’ është kthyer në bazë, Sazani do jetë aty ka qenë jetë e mot

TAG:
• Ilir Meta
• kurban bajrami

Sondazhi i ditës:

A ka politika frikë nga SPAK-u?

• Po

  68.6%

• Jo

  26.8%

• Nuk e di

  4.7%

Vota total: 2192

• Sondazhi i ditës:

  A ka politika frikë nga SPAK-u?

  Po Jo Nuk e di