VIDEO- E rëndë në Korçë/ “Mami eja se vëllai nuk merr frymë”, bombola e oksigjenit vret 3-vjeçarin (Detaje)

Korçë-  Bombola e oksigjenit vret 3-vjeçarin. Shqiptarja.com dhe Report Tv mësojnë detaje të reja nga ngjarja e rëndë e ndodhur pak orë më parë në një banesë private në fshatin Mborjë të Korçës, ku një tre vjeçar humbi jetën pasi u zu poshtë nga një bombol oksigjeni.

Gazetarja Iris Rezhda ka shkuar në banesën ku ndodhi ngjarja, aty ku mësoi se i mituri ishte gjetur i shtrirë në dyshemenë e dhomës, i gjakosur e me plagë të rënda në kokë nga vëllai i tij 6-vjeçar.

“Mami eja së vëllai nuk po merr frymë”,- mësohet t’i ketë thënë ai nënës së tij.

Kaq ka mjaftuar që familja të alarmohet. E ëma e ka gjetur të mbuluar më gjak, ndërsa i ati e ka marrë të voglin në krahë dhe e ka dërguar në spital, por pak orë më vonë ai ka ndërruar jetë si pasojë e plagëve të rënda në pjesën e kokës.

I mituri, siç thonë familjarët, ka qënë duke luajtur dhe është ende e paqartë se si bombola e rëndë që përdorej nga gjyshi i sëmurë ka lëvizur duke e zënë poshtë.

Nëna e të miturit është në gjendje shoku dhe nuk mund të flasë asnjë fjalë, ndërsa të afërmit e tjerë preferojnë të heshtin.

Bombola që zuri poshtë fëmijën

Rrezhda sqaroi për Report Tv e Shqiptarja.com se bëhet fjalë për një familje të varfër, pa të ardhura që jetonte vetëm me pensionin e gjyshit.

Grupi hetimor ka shkuar tashmë në vendngjarje dhe pritet të zbardhë më shumë detaje për gjithçka ndodhi.


Shtëpia e 3-vjeçarit


Njoftimi i policisë

Më datë 16.08.2018, rreth orës 11:25, në fshatin Mborje-Korçë, në banesë, shtetasit J.D, rreth 3 vjeç, dyshohet se duke luajtur, aksidentalisht i ka rënë duke e zënë poshtë, një bombul gazi e madhe e cila për pasojë i ka shkaktuar dëmtime trupore këtij të fundit.

Ky shtetas u shoqërua në Spitalin e Korçës nga familjarët e tij, ku më pas ka ndërruar jetë.

Grupi hetimor po punon për sqarimin e rrethanave të ngjarjes.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erik: 16/08/2018 16:17

    Ah i vogli ti cfare fati mizor paske pasur?! U befsh engjell ne qiell nese ata ekzistojne, ngushellime prinderve dhe vellait.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Zgjedhja e kryetarit në Himarë, nis me tensione mbledhja e Këshillit Bashkiak në Vlorë! Banorët thirrje greqisht kundër Tavos dhe Klosit

Zgjedhja e kryetarit në Himarë, nis me tensione mbledhja e Këshillit Bashkiak në Vlorë! Banorët thirrje greqisht kundër Tavos dhe Klosit