MILOT - Një aksident i rëndë rrugor ka ndodhur këtë pasdite në aksin Burrel-Tiranë, në vendin e quajtur Shkopet. Ka qenë një automjet i cili ka dalë nga rruga dhe ka përfunduar në një greminë 30 m të thellë. Nga aksidenti ka humbur jetën drejtuesi i automjetit, Kol Bruka, 50 vjeç nga Mati. "Shqiptarja.com" ka siguruar edhe fotot nga ky aksident ku siç duket automjeti tip "Benz" ka pësuar dëmtime të shumta në pjesën përpara.
Makina e aksidentuar
Në vendin e ngjarjes mbërritën forca të shumta policore dhe ato të zjarrfikëses, të cilët bënë të mundur nxjerrjen e trupit të pajetë nga makina. Shkak për aksidentin dyshohet të ketë qenë lagështira në rrugë.
Njoftimi i Policisë:
Kurbin
Informacion paraprak
Sot, rreth orës 18:00, në aksin rrugor Burrel - Skuraj , në dalje të tunelit të Shkopetit, mjeti tip Benz i drejtuar nga shtetasi K.B. 50 vjeç, banues në Ulëz, ka dalë nga rruga duke rënë në greminë.
Për pasojë ka humbur jetën drejtuesi i mjetit, i cili ndodhej i vetëm në mjet.
Grupi hetimor nën drejtimin e Prokurorisë po kryejnë veprimet në vendngjarje për zbardhjen e plotë të shkaqeve të aksidentit.