Lezha vijon pa drita, deputeti socialist Ndreu: Në shtator do të kërkoj interpelancë për gjendjen

Në qytetin e Lezhës, mungesa e energjisë elektrike vijon ende të mbetet problem për banorët.

Problemin e ka bërë publik vetë deputeti socialist Pjerin Ndreu në Facebook, i cili edhe disa javë më parë shprehu të njëjtin shqetësim.

Në statusin e tij, Ndreu e cilësonte tallje dhe njëherësh paaftësi të OSHEE-së gjithçka që po ndodhte dhe me tagrin e deputetit të zonës kërkonte zgjidhje të menjëhershme, në të kundërt paralajmërontë protesta.

LEXO EDHE:
Këmbësorin e zë korrenti në autostradën Lezhë-Tiranë, ndërron jetë! OSHEE: Përcjellësi i ndriçuesit të biznesit i zhveshur (Emri)

Edhe disa javë më pas duket sikur situata nuk është përmirësuar.

Ndreu shkruan se OSHEE po vazhdon me politikën diskriminuese në Lezhë dhe se për zgjedhjen e këtij problemi në shtator do të kërkonte një interpelancë për gjendjen e krijuar.

Pas statusit të deputetit socialist Ndreu, një reagim ka ardhur edhe zv.kryetarja e Bashkisë Lezhë, Alfrida Marku.

Po ashtu me anë të një statusi në Facebook, ajo shkruan Ndreu se po kërkon të imponohet me populizëm pasi e ka marrë vesh që nuk do të kandidohet më as për kryetar bashkie, as për deputet.

TAG:
• pjerin ndreu
• energji elektrike
• Alfrida Marku

Sondazhi i ditës:

A ka politika frikë nga SPAK-u?

• Po

  68.7%

• Jo

  26.5%

• Nuk e di

  4.9%

Vota total: 3344

• Sondazhi i ditës:

  A ka politika frikë nga SPAK-u?

  Po Jo Nuk e di