Liga e Kombeve, Kroacia hakmerret ndaj Spanjës, Belgjika mund Islandën

Liga e Kombeve, Kroacia hakmerret ndaj Spanjës, Belgjika mund Islandën

Kroacia feston golin e fitores

Kroacia hakmerret ndaj Spanjës dhe e mposht 3-2 në Zagreb në një ndeshje spektakolare e vlefshme për grupin A4 të Ligës së Kombeve. Çdo gjë nis në pjesën e dytë ku nënkampionët e Botës shënojnë me Kramaric në minutën e 54-të dhe iberikët barazojnë pas dy minutash me Dani Ceballos.

Heroi i ballkanasve ishte Jedvaj autor i një dygoëlshi në minutat 69 dhe 93 ndërsa përkohësisht për djemtë e Luis Enriques kishte barazuar kapiteni Sergio Ramos.

Grupi bëhet shumë interesant dhe çdo gjë do të vendoset në ndeshjen e fundit Angli-Kroaci. “Furitë e kuqe” kryesojnë ende grupin me 6 pikë por mund ta humbasin mundësinë për të kaluar në “Final Four”.

Me një dygolësh të Batshuay Belgjika fitoi pastër 2-0 ndaj Islandës duke i zbritur vikingët në Ligën B. Sulmuesi shënoi në minutat 65 dhe 81 për të ngjitur “djajtë e kuq” në kuotën e 9 pikëve në vendin e parë në grupin A2.

Zvicra është e dyta në grup me 6 pikë dhe ndeshja e së dielës Zvicër-Belgjikë do përcaktojë fituesen e grupit. Bosnje Hercegovina barazoi pa gola me Austrinë dhe siguroi vendin e parë në grupin B3 duke u ngjitur në Ligën A për edicionin e ardhshëm. Ndërsa sot luhet Holandë-Francë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen