Lobimi për hapjen e negociatave, Rama nis vizitën në Gjermani, nesër takimi me Merkel

Kryeministri Edi Rama ka nisur vizitën në Gjermani. Shefi i qeverisë shqiptare është pritur në aeroport me ceremoni zyrtare pasditen e sotme, ndërsa nesër do të zhvillojë takimin me kancelaren Angela Merkel. Qëllimi i takimit është lobimi për të bindur Gjermaninë për të dhënë dritën jeshile, që të hapen negociatat për Shqipërinë në muajin qershor.

Gjermania, Franca dhe Holanda janë tre vendet skeptike për hapjen e negociatave për Shqipërinë. Përpos takimit me Merkel, Kryeministri Rama do të shkojë edhe në Bundestagun gjerman, institucioni që do të marrë vendimin për hapjen ose jo të negociatave. Në Bundestag është planifikuar një seancë bashkëbisedimi mes Kryeministrit dhe Komisionit të Jashtëm në Bundestag, që drejtohet nga Gunther Krichbaum, i cili është një emër i njohur, pasi ka përplasur Ramën dhe Bashën në akuza pas dhënies së rekomandimit pozitiv.

Basha akuzonte Ramën se po financonte një fushatë denigruese me shënjestër kreun e Komisionit për Çështjet e Europës në Bundestag, ndërsa kryeministri i kërkoi që deri në qershor të ndalë baltën në Europë për Shqipërinë. Por tashmë deklaratat në distancë i lënë vendin një takimi ballë për ballë me argumentet pro dhe kundër. Gunther Krichbaum është deputeti i partisë së Merkel, por që ka qenë mjaft skeptik për progresin e Shqipërisë duke deklaruar se nuk është koha për të hapur negociatat me BE.

LEXO EDHE:
Durrës, brenda vitit hapet parkimi me energji të vetëprodhuar nga dielli, Rama inspekton punimet me kryebashkiaken Sako

TAG:
• edi rama
• lobimi
• angela merkel

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19%

• Jo

  73.9%

• Nuk e di

  7.2%

Vota total: 881

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di