POP 5

Lajmet më të lexuara të 5 minutave të fundit

Sport

Loja e pisët me arbitrat e FIFA-s, FSHF emëron dhe shkarkon pa kriter

Në një ceremoni të mbajtur në Durrës janë emëruar sot arbitrat e rinj që do të mbajnë stemën e FIFA-s në të ardhmen. Nertil Bregasi dhe Dojando Myftari do jenë anësorët që do të zëvendësojnë dy të larguarit në mënyrë të befasishme nga FSHF-ja, Ermal Barushin dhe Ergin Dodan.

Në mënyrë të befasishme dhe pa asnjë arsye, pak ditë më parë nga FSHF iu hoq stema e FIFA-s dy arbitrave anësorë Ermal Barushit dhe Ergin Dodës. Të dy ata kanë performuar më mirë se kushdo në këtë sezon, madje vlerësime pozitive morën edhe në ndeshjet eliminatore të “Europe League”, ku së bashku me kryesorin Jorgji u dalluan për vendimet korrekte. Duke parë që nga ana profesionale ishin të paprekshëm, FSHF I bëri ‘kurban’ me kriterin ‘për mosbindje ndaj sistemit’.

Nuk dihet nëse ky ka qenë kriteri, por sot në Durrës është organizuar ceremonia e emërimit të arbitrave të rinj me stemën e FIFA-s. Ata që do të kenë mundesi të gjykojnë në kompeticionet Europiane dhe Botërore do të jenë 3 arbitra kryesore dhe 6 anësorë. Vendin e dy arbitrave të larguar do ta plotësojnë anësorët Nertil Bregasi dhe Dojando Myftari.

Më herët, FSHF u përpoq t’i shiste këto ndryshime si kërkesa të FIFA-s, por e vërteta është se nën rrogoz emrat e arbitrave të rinj kanë qarkulluar para se të bëheshin publikë në faqen e institucionit më të madh të futbollit në botë. Duke parë ‘pazaret’ që bëhen me arbitrat, gjithkush mund t’i japë vetë përgjigje pyetjes se përse në kampionatin tonë kemi gjitmonë e më shumë gabime të cilësuara si jo njerëzore nga xhaketat e zeza.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

BE: Themelimi i Asociacionit çështje urgjente, Kosova dhe Serbia do kenë pasoja nëse nuk zbatojnë marrëveshjet

BE: Themelimi i Asociacionit çështje urgjente, Kosova dhe Serbia do kenë pasoja nëse nuk zbatojnë marrëveshjet

19 Prill, 13:22