Lushnje/ Stuhia shkatërron mbi 70 hektarë vreshta, fermeri: Jam plak pensionist, iku rrushi im për 20 minuta

Stuhia e fortë e shoqëruar me breshër mbremjen e së premtes ka shkaktuar dëme të mëdha në të gjithë fshatrat e njësisë administrative Allkaj, në bashkinë e Lushnjes.

30 minuta kanë qenë të mjaftueshme për të hedhur në tokë jo vetëm prodhimin e rrushit pak ditë para vjeljes, por forca e stuhisë ka këputur dhe shtyllat e betonit.

Dëmet për familjet fermere të kësaj zone janë të pallogaritshme, pasi u është dëmtuar i gjithë prodhimi. Probleme janë shkaktuar edhe në kultura të tjera, si mollë, dardhë e misër.

Nga të dhënat paraprake të marra në terren, janë dëmtuar plotësisht mbi 70 hektarë vreshtari dhe kultura të tjera bujqësore.

Fermerët kanë mbetur të shokuar nga kjo fatkeqësi e natyrës, ndërsa më të vjetrit shprehen se nuk e kanë parë prej vitesh këtë lloj katastrofe natyrore.

Si sivjet kurrë në jetën time. Aq breshër i madh të ishe në rrugë menjëherë vdisje. Unë kam 5 dynym, plak pensionist, iku rrushi im. Unë kam 1 hektarë, shpenzimet shkojnë deri në 7 milionë lekë, e gjitha iku në dava 20-25 minutash. Mendonim t’i vilnim për punë 3-4 ditësh. Breshëri filloi në 6, 6 e 30, breshër i paparë.

Fermerët

Shumë fermerë janë gjunjëzuar si pasojë e katastrofës së një natë më parë, ndërsa kërkojnë ndihmën e shtetit për dëmet e shkaktuara nga breshëri dhe stuhia.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Sulmi në Moskë, Ankaraja: ISIS-K u ndihmua nga shërbimet sekrete

Sulmi në Moskë, Ankaraja: ISIS-K u ndihmua nga shërbimet sekrete