Macron: Për Evropën parashikoj tre sfida të rëndësishme në 15 vitet e ardhshme

U shpreh dje nga Lisbona Presidenti francez, Emmanuel Macron se parashikonte një Europë të ndërtuar në tre rrathë në 10 deri në 15 vitet e ardhshme, me Francën të cilës i është kërkuar të jetë pjesë e shteteve më të integruara, “zemra e reaktorit”.

I pyetur në lidhje me vizionin e tij për Europën, kreu i shtetit francez vlerësoi se arkitektura e kontinentit do të zgjerohej në vitet e ardhshme.

Unë shoh një rreth të gjerë që është ndoshta përtej 27-ë, diçka e ngjashme midis Bashkimit Europian dhe Këshillit aktual të Europës, i cili do të formojë një Europë të zgjeruar, më pak të integruar se BE-ja por shumë kërkuese në lidhje me vlerat e saj. Europa do të rendisë si brenda saj, si me anë të marrëveshjeve të bashkëpunimit të ngushtë, Turqinë dhe Rusinë, pasi nëse duam paqe duhen stabilizuar këto dy fuqi.

LEXO EDHE:
FOTOT: Dua Lipa pushton kopertinën e revistës prestigjoze

  Emmanuel Macron

Rrethi i dytë do të jetë pa dyshim diçka midis Bashkimit aktual Europian dhe zonës euro, sipas Macron, që do të përfaqësojë një treg të vetëm të fortë, një politikë të sovranitetit, tregtare, të kërkimit, të inovacionit dhe një liri të plotë të lëvizjes brenda tij.

Rrethi i tretë do të jetë “zemra e reaktorit” me një monedhë të përbashkët, një treg pune shumë të integruar dhe një konvergjencë të vërtetë sociale.

TAG:
• Emmanuel Macron
• Franca
• Europa
• Lisbona

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19%

• Jo

  72.4%

• Nuk e di

  8.6%

Vota total: 1787

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di