Macron si Rama, rilindje urbane për të rigjallëruar qendrat e qyteteve franceze

Një qytet pa njerëz është një qytet pa jetë. Kjo është arsyeja pse shumë qytete të vogla të Francës së shpejti do t’i nënshtrohen rikualifikimit urban, përmes një projekti shumëmilionësh të financuar nga qeveria franceze. Por, nisma e ideuar nga Presidenti Emanuel Macron i ngjan shumë nismës që ndërmori në mandatin e parë qeverisës Kryeministri shqiptar, Edi Rama; nismë të cilën ai e pagëzoi me emrin “Rilindje Urbane”.

Ashtu si ideja e Macron-it, e cila këto ditë po fiton një jehonë të rëndësishme në mediat franceze, edhe projekti i 2013-ës i kryeministrit Rama kishte për qëllim rigjallërimin e qendrave të qyteteve, kryesisht të vogla, shqiptare, për të dendësuar pjesët urbane, nga e cila përfituan më shumë se 70 qytete. Aksioni pritet të prekë mbi 200 qytete të Francës, mban emrin “Coeur de Ville” (Zemra e qytetit) dhe do të jetë një nga rikualifikimet më të mëdha në historinë e vendit. Plani i madh do të kushtojë rreth 5 miliard euro dhe pritet të rigjallërojë qendrat e qyteteve gjatë pesë viteve të ardhshme me dyqane të reja, zyra, hapësira dhe banesa të rinovuara.

Kjo ide e presidentit Macron shihet edhe si një mënyrë inteligjente për të ndaluar zgjerimin në zonat rurale dhe dendësuar pjesët urbane të qyteteve. Ndër vite, qytetet e vogla të Francës kanë pësuar një përqendrim të jetës në periferi, çka ka sjellë një shkretim të jetës në qendrat urbane. Efektet e zhvillimit të pakontrolluar kanë ndikuar negativisht në këto qytete, ku shumë biznese janë zhvendosur në periferi, e mandej kjo ka sjellë cilësi më të ulët jetese.

LEXO EDHE:
Emisioni i Rai 3, Rama: Sulm ndaj Melonit në kurrizin tonë! Shpifje për vëllanë tim, ngulmimi i moderatorit për Agaçin djallëzor

Ndaj qeveria franceze e ka gjetur zgjidhjen te rikonceptimi i qendrave të tyre. Fondi prej 5 miliard eurosh do të sigurojë infrastrukturë të re, rinovimin e banesave të vjetra, inkurajimin e me stimuj financiarë të bizneseve, në mënyrë që ato të rihapen në zemrën e qytetit. Gjithashtu, plani i Macron parashikon edhe zhvillimin e një konkursi ndërkombëtar për arkitektët dhe projektuesit, për të ofruar modele të reja për mënyrën se si mund të duket një qytet i rigjallëruar.

TAG:
• edi rama
• emanuel macron
• rilindja urbane

Sondazhi i ditës:

A ka politika frikë nga SPAK-u?

• Po

  69.1%

• Jo

  26.9%

• Nuk e di

  4%

Vota total: 702

• Sondazhi i ditës:

  A ka politika frikë nga SPAK-u?

  Po Jo Nuk e di