POP 5

Lajmet më të lexuara të 5 minutave të fundit

Manchester United i pandalshëm pas largimit të Murinjos, sonte super sfida City- Liverpool

Solskjaer

Manchester United duket se është çliruar pas largimit të Hose Murinjos, pasi ka arritur mbrëmjen e djeshme fitoren e katërt radhazi, ndërsa në total që pas shkarkimit të portugezit ka shënuar 14 gola dhe ka pësuar vetëm 3.

Mbrëmjen e djeshme përballë Newcastle, ekipi i drejtuar nga  Ole Gunnar Solskjaer fitoi 2-0 me golat e shënuar nga Romelu Lukaku dhe Marcus Rashford. Me këtë fitore Manchester United ngjitet në kuotën e 38 pikëve në vendin e gjashtë duke marshuar drejt zonës Champions. Chelsea bëri një hap fals duke barazuar pa gola me Southampton.

Ndërkohë që super sfida e javës luhet sonte mes Manchester City dhe Liverpool. Aktualisht Liverpool kryeson kampionatin, ndërsa City ndodhet në vendin e tretë. Një fitore sonte përballë ekipit të Guardiolës do të bënte që Klop të ishte më i qetë në objektivin titull edhe pse është ende shumë herët.Gjithashtu sonte luhet edhe sfida Villarreal- Real Madrid e vlefshme për kampionatin spanjoll.

d.ba.
Komento