Marrëveshja e Prespës/ Tsipras dhe Zaev zyrtarisht kandidatë të çmimit Nobel për 2019

Marrëveshja e Prespës/ Tsipras dhe Zaev zyrtarisht kandidatë të çmimit Nobel për 2019

Zoran Zaev, kryeministër i Maqedonisë dhe Aleksis Tsipras, kryeministër i Greqisë

Kryeministri grek Aleksis Tsipras dhe ai maqedonas Zoran Zaev janë zyrtarisht të nominuar për çmimin Nobel për Paqen për vitin 2019. Nominimi për ta vjen si një shpërblim për përpjekjet e tyre për të arritur një marrëveshje mes Greqisë dhe Maqedonisë. Emrat e tyre u kandiduan nga fituesja e Nobelit për vitin 2015, ekonomistja tuniziane Uided Bushamaui.

Vetë nobelistja ka thënë se kjo marrëveshje duhet të jetë model për zgjidhjen e problemeve në të gjithë botën.

“Unë e shoh Marrëveshjen e Prespës, në të cilën të dyja palët kanë investuar kaq shumë energji, si një proces jashtëzakonisht të rëndësishëm që meriton të nominohet për çmimin Nobel për Paqen. Marrëveshja duhet të shërbejë si një model për zgjidhjen e problemeve në të gjithë botën”, tha nobelistja.

Nominimi i tyre vjen pas marrëveshjes që u arrit mes Tsipras dhe Zaev. Ata nënshkruan një marrëveshje që u firmos në brigjet e liqenit të Prespës. Kjo marrëveshje, jep mundësi për të zgjidhur konfliktet shumëvjeçare mes Greqisë dhe Maqedonisë, për çështjen e emrit të Maqedonisë. Pas kësaj marrëveshje, Maqedonia quhet tashmë “Republika e Maqedonisë së Veriut”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet