Mbyllja e pikave të basteve, Petrit Vasili: S'ka budalla që e beson, ja ç'tha Rama në 2013

Lëvizja Socialiste për Integrim e sheh me dyshim propozimin e kryeministrit Edi Rama për mbylljen e pikave të basteve sportive deri në fund të këtij viti. Është kryetari i grupit parlamentar të LSI, Petrit Vasili, i cili në një status në Facebook shkruan se nuk ka budalla që e beson kryeministrin Edi Rama se vërtetë do mbyllen bastet dhe kazinotë. 

Vasili kujton "Fundin e Marrëzisë", operacionin kundër lojërave të fatit në vjeshtë 2013, vetëm dy muaj pasi socialistët kishin ardhur në pushtet, por që në të vërtetë, më pas rezultoi se pikat e kumarit vijuan punën normalisht.

Reagimi i plotë i Vasilit:

A ka me budalla,qe e beson kete kryeminister per kumarin? Sot kryeministri ben llap llap per kumarin pas plot 6 vjetesh dhe ja se ç'broçkollit:

"Mos u lodhni kot, bastet s’i shpetoni dot më! Edhe bastet edhe ky monopoli online do vdesin për Vit të Ri". Në 2013, kur filloi operacioni i policisë ‘Fundi i Marrëzisë’, po ky kryeminister bente llap llap dhe broçkolliste prap se:

“Askush nuk do të ndalonte këtë aksion, derisa asnjë shqiptar të mos lërë asnjë qindarkë në kumar”. Dhe shqiptaret, qe sipas ketij mashtruesit nuk do linin asnje qindarke,linin plot 135 milion euro ne vit dhe pikat nga 928 cope vajten ne 4200.

Po a ka më ndonje budalla qe i beson me ketij ordineri qe genjeshtren e ka oksigjen,e ka buke,e ka nene,e ka babe? Kush e beson kete ose e ka lene mendja krejt ose ka ngrene gjekundi te vjellat e ketij dhe vjell gjithe jeten.

TAG:
• edi rama
• Petrit Vasili
• pikat e basteve