Mbytet zhytësi 34-vjeçar në Vlorë, trupin e nxori shoku nga deti/ Emri

VLORË- Mesditën e sotme është mbytur në det zhytësi Armando Hallvaxhiu 34 vjeç banues në Tiranë, ndërkohë që ende nuk dihen shkaqet.

Burime për Report Tv bëjnë me dije se Hallvaxhiu dhe shokët e tij kishin marrë një varkë dhe kishin shkuar për të gjuajtur peshk, sport të cilin 34-vjeçari e praktikonte prej shume vitesh. 

Nga informacioni paraprak thuhet se 34-vjeçari është mbytur në vendin e quajtur “Shpella e Haxhi Aliut”, ku ishte duke kryer zhytje bashkë me disa shokë të tjerë.

LEXO EDHE:
Vlorë, lëvizte me armë me vete, arrestohet 34-vjeçari

Trupi i pajetë i 34-vjeçarit është nxjerrë nga Policia Kufitare dhe është transportuar për në morgun e Spitalit Rajonal të Vlorës. 

Një ndër personat që ndodhej me Armando Hallvaxhiun në momentin që po zhyteshin në Karaburun ishte shoku u tij Dardan Delija, i cili nxori edhe trupin nga uji.

34-vjeçari Armando Hallvaxhiu ka punuar si operator në disa media qëndrore e lokale dhe kishte si pasion zhytjen dhe peshkimin.

Dardan Delia dhe Armando Hallvaxhiu 

Më datë 22.04.2018, Salla Operative Vlorë është njoftuar nga një telefonatë se në Karaburun në vendin e quajtur Shpella e ''Haxhi Ali-ut'', është mbytur shtetasi A.H., 34 vjeç, banues në Tiranë, i cili merrej me zhytje.

Trupi i pajetë po transportohet në morgun e Spitalit Rajonal Vlorë.

Grupi hetimor po punon për sqarimin e plotë të rrethanave të ngjarjes.

TAG:
• Vlore
• mbytet zhytesi
• armando hallvaxhiu

Sondazhi i ditës:

Ilir Meta sulmon kreun e SPAK, si e vlerësoni?

• Të drejtë

  11.7%

• Të gabuar

  83.6%

• Nuk e di

  4.7%

Vota total: 5393

• Sondazhi i ditës:

  Ilir Meta sulmon kreun e SPAK, si e vlerësoni?

  Të drejtë Të gabuar Nuk e di