Më 19 gusht nis sezoni i ri i Superiores, FSHF lajmëron për shortin e kalendarit

Klubet e Kategorisë Superiore do të njihen këtë javë me kalendarin e tyre të ndeshjeve për sezonin 2018-2019, pasi FSHF ka vendosur më në fund të hedhë shortin për të caktuar javët e aktivitetit, që nisin në muajin gusht.

Zyra për shtyp e FSHF ka bërë të ditur se të mërkurën, në orën 11:00, do të zhvillohet ceremonia e hedhjes së shortit për skuadrat e elitës së futbollit të vendit tonë. Në short,10 skuadrave do t’u caktohet një numër i cili më pas në bazë të skemës së kampionatit, do të përcaktojë edhe duelet javë pas jave për Superioren.

Këtë vit, kampionati shqiptar fillon më herët se në edicionet e kaluara. Java e parë e Superiores për edicionin e ri do të luhet më 19 gusht, duke bërë më të thjeshtë menaxhimin e kampionatit dhe duke mos ngjeshur takimet e skuadrave si në dy vitet e kaluara, kur kampionati fillonte pas ndeshjeve të kombëtares në shtator. 

LEXO EDHE:
'Drejt Gjermanisë në verë', UEFA prezanton Kombëtaren me flamurin e UÇK-së

TAG:
• fshf
• kategoria superiore

Sondazhi i ditës:

Sa i përhapur është korrupsioni në Shqipëri?

• Shumë

  84.8%

• Pak

  9.3%

• Nuk e di

  5.9%

Vota total: 1417

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di