Maskat terrorizojnë një familje në Korçë, lëndohet një prej familjarëve

Korçë- Maskat terrorizojnë një familje në fshatin Porodinjë të Korçës. Ngjarja është regjistruar mbrëmjen e së dielës rreth orës 22:30 ku 4 persona të maskuar dhe të armatosur kanë hyrë në shtëpinë e shtetasit, Engjëllush Dinkallari 38 vjeç.

Sipas informacioneve nga policia personat e maskuar e kanë goditur me pjesën e pasme të armës 38 vjeçarin, por nuk kanë mundur të marrin asgjë prej tij.

Policia ka mbërritur menjëherë në vendngjarje duke ngritur pika të shumta kontrolli për kapjen e autorëve ende të paidentifikuar.

LEXO EDHE:
Pritet rritja e çmimeve të frutave dhe perimeve! Fermerët e Devollit: Shkak pesticidet, po i blejmë më shtrenjtë dhe s'japin efekt

Njoftimi i plotë:

Korçë
Informacion paraprak.

Më datë 12.08.2018, rreth orës 22.30, në fshatin Porodinë-Korçë, dyshohet se katër shtetas të maskuar, kanë hyrë forcërisht për të vjedhur në banesën e shtetasit E.D, 38 vjeç.

Menjëherë në vendngjarje, kanë shkuar shërbimet e Policisë ku sipas deklarimeve të pronarit të banesës, autorët dyshohet se kanë qenë të maskuar e armatosur dhe gjatë tentativës për të vjedhur, kanë lënduar lehtë njërin prej pjestarëve të familjes dhe më pas janë larguar duke mos arritur të realizojnë vjedhjen.

Nga ana e Policisë, janë ngritur pika të shumta kontrolli dhe po bëhet krehja e zonës me qëllim identifikimin, kapjen e autorëve si dhe zbardhjen e rrethanave të ngjarjes.

TAG:
• Korce
• grabitje banese

Sondazhi i ditës:

Sa i përhapur është korrupsioni në Shqipëri?

• Shumë

  85%

• Pak

  9.3%

• Nuk e di

  5.7%

Vota total: 1299

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di